ZABURI 139
139
Nyasae nigo amanyete onsi na nigo are aande onsi
(Ogotera gwa Daudi)
1Aye Omonene kwariga‐rigirie ime yane, kwamanyire inche.
2Aye nigo omanyete ekero ing’ikaransete, na ekero inkoimoka.
Nigo omanyete ebirengererio biane bionsi kore aare.
3Ekero ngotaara gose kondaire nigo omanyete;
aye nigo omanyete chinchera chiane chionsi.
4Nonya nekero ntarakwana ring’ana rinde rionsi,
Naama, aye Omonene nigo orimanyete kegima.
5Aye nigo ong’etanaine ase chinsemo chionsi,
na nigo obegete okoboko kwao igoro yane ondendete.
6Okomanya okwo nigo kore okw’ogokumia asende;
nigo kore okonene mono, tinkonyara gokomanya.
7Ng’ai ndagende, erinde ntigane n’Omoika oo?
Gose ng’ai ndatame gochia, indue ase obosio bwao?
8Ninsa koriina gochia igoro, aye nao ore;
ninsa kwara ekerarero kiane agwo aase abakure, aye nao ore.
9Ninsa koirurukigwa namasase a mambia,
ingende komenya ase chinsinyo chi’enyancha,
10nonya naroro okoboko kwao nkondaae,
ee, okoboko kwao gw’okorio nkombwate.
11Ninsa goteba, “Tiga omosunte ontube kegima,
na oborabu bong’etanaine boonchoke bobe omosunte”,
12nonya nomosunte tori omosunte asore,
obotuko nigo bokoraba se, bwaba buna omobaso, asore omusunte na oborabu nigo bigwekaine.
13Naye gwatongete ebire ase enda yane ime,
nigo kwambwatanetie amo ase enda ya baba.
14Nigo nkogotogia, ekiagera natongetwe ase enchera y’ogokumia,
na ey’ogoichania.
Ogokora kwao nigo kore okuya kw’ogokumia!
Igo nimanyete amang’ana ayio buya ase omoyo one.
15Amauga ’omobere one tabisekanete asore,
ekero natongetwe bobisi,
ekero nabombetwe ase ense ime.
16Amaiso ao nigo andoche ekero narenge enche ase enda ya baba ime,
amatuko aane onsi nigo arigetwe ase ebuku yao,
na akaroberigwa ritang’ani rituko rinde ritaraika.
17Aye Nyasae, ebirengererio biao nigo bire ebikong’u asende kobimanya,
naende nebinge mono bitanyare kobareka.
18Inse kobibara, nigo bire ebinge goetania omokenye.
Ekero nkoboka, nigo ngendererete kobeera amo naye.
19Aye Nyasae, naki yare gocha koba buya
onye ngwaita abakori amabe,
onye abagoitera amanyinga mbarua asende.
20Abwo nigo bagokwana bobe igoro yao;
nigo bare abaenenu bagokora ebibe asore.
21Omonene, Inee, tingecheti abwo bakogechete?
Tinkonyinyeera abwo bagosaria asore?
22Abwo nigo mbagechete mono mono,
nigo mbabarete ng’a nababisa baane.
23Aye Nyasae, ndiga‐rigie omanye enkoro yane.
Nteeme omanye ebirengererio biane.
24Origererie timbwatia enchera y’obosiru,
na ondaae ase enchera ya kare na kare.
Currently Selected:
ZABURI 139: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
