ZABURI 138
138
Ogosaba kw’ogoaka ng’a mbuya mono
(Ogotera gwa Daudi)
1Aye Omonene, nigo nkogoakera ng’a mbuya mono nenkoro yane yonsi,
ningoterere na kogotogia ase obosio bwe chinyasae.
2Nigo ngosasima ndigereretie gochia ase Hekalu yao Enchenu,
naaka ng’a mbuya mono ase erieta riao,
na ase engencho y’obwanchani bwao bogendererete botambe,
na ase obwegenwa bwao.
Aye gwakorire eira yao koba enene
goetania onsi aya erieta riao riatotebetie.
3Ase rituko riria nakorangeretie, nigo kwanyigwete,
okaremia omoyo one, okambeka chinguru.
4Aye Omonene, abaruoti bonsi b’ense mbagotogie,
ekero baraigwe amang’ana akorwa ase omonwa oo;
5mbabe bagotera igoro y’ogokora kwao, aye Omonene,
ekiagera obonene bwao nigo bore obonene mono.
6Nonya Omonene ore igoro aare,
nigo aroche abanto abaitongo,
korende abare abaenenu nigo akobamanya kobare aare.
7Nimba ngoeta ase egati y’emechando,
aye nigo ondendete ngenderere koba moyo;
aye nigo okorambora okoboko kwao
igoro y’ababisa baane bare nendamwamu,
na okoboko kwao gw’okorio gwantooria.
8Aye Omonene nonyare goikerania aya kwandierete eira,
ekiagera obwanchani bwao nigo bogendererete goika kare na kare.
Tobaisa kweba emeremo y’amaboko ao.
Currently Selected:
ZABURI 138: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
