ZABURI 140
140
Ogosaba gw’okonyora oborendi
(Ogotera gwa Daudi)
1Aye Omonene, ntoorie korwa ase abanto ababe;
indende korwa ase abanto abatindi!
2Abanto abwo nigo bakoroberia amabe ase chinkoro chiabo ime,
baba bakona‐korwana esegi botambe.
3Chimeme chiabo nigo chire chinyoge buna echie ching’iti chingenda inse;
obosongo bw’amarubi nigo bore ase ebikoba bi’emenwa yabo.
4Aye Omonene, indende korwa ase amaboko ’abakori amabe;
intoorie korwa ase abanto abatindi,
abwo barobeirie kobeka ebigocha ase ngoeta.
5Abanto abaenenu babekire oboreba bobisi ase ngoetera,
bantegeire ebichanga bimbwate,
babekire emeeto ase oboeto bwane bwonsi.
6Natebirie Omonene: Aye Nyasae one,
aye Omonene, tegerera oigwe ogosaba kwane.
7Aye Nyasae, Omonene one, Omotooria one omokong’u,
aye nigo ogotuba omotwe one ase engaki y’esegi.
8Omonene, tobaisa koa abakori amabe aya baganetie;
tobaisa gosesenia emeroberio yabo emebe,
babaise gwetogia.
9Totiga ababisa abwo bang’etananire babue,
tiga obobe bw’amang’ana bagokwana bobairanere abanyene.
10Tiga omorero bw’amakara obagwere,
barabwo batugutwe ase omorero,
barutwe ase chingoro chintambe tibaruao.
11Totiga abagenki bagenderere koba ase ense.
Obobe nigo bogotwara abanto abatindi ase omoayerero bwabasiria.
12Nimanyete ng’a Omonene narwanerere abagokorerwa bobe,
nae abataka oboronge bwabo.
13Ekeene, abanyene oboronge mbaake ng’a mbuya mono ase erieta riao,
abare ne chinkoro chindonge mbamenye ase obosio bwao.
Currently Selected:
ZABURI 140: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
