Popular Bible Verses from ZABURI 139

Share

Nigo nkogotogia, ekiagera natongetwe ase enchera y’ogokumia, na ey’ogoichania. Ogokora kwao nigo kore okuya kw’ogokumia! Igo nimanyete amang’ana ayio buya ase omoyo one.

Aye Nyasae, ndiga‐rigie omanye enkoro yane. Nteeme omanye ebirengererio biane. Origererie timbwatia enchera y’obosiru, na ondaae ase enchera ya kare na kare.

Naye gwatongete ebire ase enda yane ime, nigo kwambwatanetie amo ase enda ya baba.

Amaiso ao nigo andoche ekero narenge enche ase enda ya baba ime, amatuko aane onsi nigo arigetwe ase ebuku yao, na akaroberigwa ritang’ani rituko rinde ritaraika.

Aye Omonene kwariga‐rigirie ime yane, kwamanyire inche.

Ng’ai ndagende, erinde ntigane n’Omoika oo? Gose ng’ai ndatame gochia, indue ase obosio bwao?

Aye nigo omanyete ekero ing’ikaransete, na ekero inkoimoka. Nigo omanyete ebirengererio biane bionsi kore aare.

Nonya nekero ntarakwana ring’ana rinde rionsi, Naama, aye Omonene nigo orimanyete kegima.

Ekero ngotaara gose kondaire nigo omanyete; aye nigo omanyete chinchera chiane chionsi.