ISAYA 11
11
Omoruoti bw’omorembe
1Omoseboka norue ase ritina ria Yese riabutoretwe, na egesebo keramere korwa ase emeri yaye, nkiame amatunda.
2Omoika bw’Omonene nobeere igoro asare;
omoika bw’obong’aini na okomanya,
omoika bw’ogosemia na okobua;
omoika bwe chisemi na okomoiroka Omonene.
3Omogoko oye nobe ase okomoiroka Omonene.
Ere takogamba ebina buna amaiso aye ararore,
gose takonacha ebina buna araigwe namato aye.
4Korende nigo arabae abataka oboronge bwabo ase okonacha ebina,
tagokora ogwanchereria ase abaitongo b’ense.
Naake ense nenyimbo y’omonwa oye,
naite abakori amabe nomoika bw’omonwa oye.
5Oboronge nabwo borabe orokini rw’ekenema kiaye,
na obwegenwa bobe orokini rw’okweboeria.
6Esese y’orosana nemenye amo nemanwa y’eng’ondi,
na engo nerare amo nemanwa y’embori;
emori, na endo, na eng’ombe enoru nachibe chikogosoria amo,
na omwana omoke nabe ogochiraa.
7Eng’ombe na edubu nchiriserie amo,
emori y’eng’ombe na emanwa y’edubu nchirare amo.
Endo nebe ekorisia obonyansi buna eng’ombe.
8Omwana okogonka nabe okogosoria ase engoro ye rirubi,
boigo omwana omotache nabe ogosoyia okoboko kwaye ase engoro ye ring’ere.
9Aase onsi ase egetunwa kiane egechenu,
ayare amabe, gose ayagosiria tagokorekana aroro;
ekiagera ense neichorwe nabanto bamomanyete Omonene,
buna amache aichire ase enyancha.
Abanto boosetwe mbairane
10Ase engaki eyio Oyore Egesebo kie ritina ria Yese natenene abe ekemanyererio ase abanto; abanto b’ebisaku mbamorigie, na obomenyo bwaye mbobe nobonene obonge. 11Nebe ase engaki eyio Omonene narambore okoboko kwaye eria kabere koirania abatigari b’abanto baye korwa Asuri, na Misiri, na Patirosi, na Etiopia, na Elamu, na Shinari, na Hamati, na korwa ase ebisinka ne chinse chire ang’e nenyancha. 12Natenenie ekemanyererio ase abanto b’ebisaku, na asangererie Abaisraeli abwo baseretigwe, naende asangererie Abayuda bonsi besiarerete ase chinsinyo inye chi’ense. 13Ribero Abaefraimu babwate ndisire, na abwo bakwoboyia Abayuda mbasirigwe; Abaefraimu tibakogenderera koba ne ribero ase Abayuda, na Abayuda tibakogenderera kwoboyia Abaefraimu. 14Abayuda na Abaefraimu mbaumokere Abafilisti korwa ensemo ya bosongo, naende mbasakore abanto ba moocha. Erio barwanie Abaedomu na Abamoabu; Abaamoni mbabe bakoaigwera. 15Omonene nasarie kegima omosomo bw’enyancha ya Misiri; nasungusie okoboko kwaye arente omwaga oguse igoro ase Orooche rwa Eufarati, erio arwatanane robe ebiambokero bitano na bibere, erinde abanto bambokere aroro buna ase ense enyomo. 16Enchera enene neroiserigwe abatigari b’abanto baye abatoorigwe korwa Asuri. Enchera eyio nebe buna eria Abaisraeli baeterete kobakorua Misiri.
Currently Selected:
ISAYA 11: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
