ISAYA 12
12
Ogotera gw’okoiraneria ng’a mbuya mono
1Ase rituko erio notebe:
“Aye Omonene, ninkoiranerie ng’a mbuya mono,
nonya kwarenge nendamwamu asende,
bono endamwamu eyio yantigire,
na aye kwandemirie.
2Rora, Nyasae nere ogotooreka kwane;
nimosemerie, tinkwoboa.
Omonene Nyasae nere chinguru chiane, ere nimoterere;
ere obeire ogotooreka kwane.”
3Inwe mobuuche amache korwa ase chinsoko chire nogotooreka,
more nomogoko.
4Ase rituko riria motebe:
“Moiranerie Omonene ng’a mbuya mono,
rangeria erieta riaye;
raria ogokora kwaye ase egati y’ebisaku,
raria ng’a erieta riaye nerinene mono.”
5“Tera amatera ay’okomotogia Omonene,
ekiagera okorire ayare amaya mono.
Amang’ana ayio tiga amanyekane ase ense yonsi.
6Inwe abamomenyete Sayoni,
aka eriogi, motere nomogoko,
ekiagera ere oyore Omochenu bw’Abaisraeli
nigo are omonene ase egati yaino.”
Currently Selected:
ISAYA 12: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
