Popular Bible Verses from ISAYA 11

Share

Omoika bw’Omonene nobeere igoro asare; omoika bw’obong’aini na okomanya, omoika bw’ogosemia na okobua; omoika bwe chisemi na okomoiroka Omonene. Omogoko oye nobe ase okomoiroka Omonene. Ere takogamba ebina buna amaiso aye ararore, gose takonacha ebina buna araigwe namato aye.

Omoseboka norue ase ritina ria Yese riabutoretwe, na egesebo keramere korwa ase emeri yaye, nkiame amatunda.

Korende nigo arabae abataka oboronge bwabo ase okonacha ebina, tagokora ogwanchereria ase abaitongo b’ense. Naake ense nenyimbo y’omonwa oye, naite abakori amabe nomoika bw’omonwa oye.

Oboronge nabwo borabe orokini rw’ekenema kiaye, na obwegenwa bobe orokini rw’okweboeria.

Aase onsi ase egetunwa kiane egechenu, ayare amabe, gose ayagosiria tagokorekana aroro; ekiagera ense neichorwe nabanto bamomanyete Omonene, buna amache aichire ase enyancha.

Esese y’orosana nemenye amo nemanwa y’eng’ondi, na engo nerare amo nemanwa y’embori; emori, na endo, na eng’ombe enoru nachibe chikogosoria amo, na omwana omoke nabe ogochiraa.

Ase engaki eyio Oyore Egesebo kie ritina ria Yese natenene abe ekemanyererio ase abanto; abanto b’ebisaku mbamorigie, na obomenyo bwaye mbobe nobonene obonge.