Salmo 91
91
Salmo 91 (90)
Imayka mana allipitapis Dios Yaya tsapanqan
1Dios Yayapa poderninchö kawaq runatam llapanpaq poderyuq Dios Yaya imaykapitapis tsapanqa.
2 Dios Yayata mañakurmi nï:
<<Qammi tsapämaqnï kanki.
Qammi tsinkakunä törri kanki.
Qamllam confiakunqä Diosnï kanki>>.
3Dios Yayam salvashunki contraykipa poderninpita.
Paymi tsapäshunki wañutsikuq qeshyaypitapis.
4Paymi plümankunawan tsaparar oqllaräshunki.
Ripran qopinchö karmi ni imapita mantsakunkitsu.
Prometinqanta cumplirmi escüdunö imaypis tsapäshunki.#Deut. 32.10-11; Sal. 17.8; 61.4.
5Paqaspapis manam ni imapita mantsakunkitsu.
Junaqpa flëchayaptinpis manam mantsakankitsu.
6Paqaspa o junaqpa pesti qeshyay pïmayta wañutsiptinpis manam mantsakankitsu.
7Itsuq kaqlänikichö waranqata (1,000) wañutsirpis y derëchu kaqlänikipa chunka waranqata (10,000) wañutsirpis qamtaqa manam wañutsishunkitsu.
8Kikikim rikanki mana alli runakunata castiganqanta.
9 Dios Yayaman confiakur kawakuptiki y poderösu Diosman tsinkakuptikim 10ima desgraciapis päsashunkitsu.
Wajikichö täkuqkunapis manam qeshyayanqatsu.
11 Angelninkunatam Dios Yaya kachamunqa maypa aywaptikipis cuidashunaykipaq.
12Paykunam achkuyäshunki chakillaykitapis rumikunachö mana takakunaykipaq.#Mat. 4.6; Luc. 4.10-11.
13Leonkuna y culebrakuna kanqanchöpis tranquïlum purinki.
Llullu leontawan culebratapis jarunkim.#Luc. 10.19.
14Dios Yayam nin:
<<Kuyamaqkunatam noqa salvashaq.
Shutïchö alabayämaqkunatam imaypis cuidashaq.
15Mañakayämaptinmi änishaq.
Llakikuyaptinmi kikï paykunawan kashaq.
Yanaparmi ñakaykunapita jipishaq.
16Atska wata kawakuyänanpaqmi yanapashaq.
Salvaptïmi imaypis kushikuyanqa>>.
Currently Selected:
Salmo 91: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
