Popular Bible Verses from Salmo 91

Share

DIOS YAYATA mañakurmi nï: <<Qammi tsapämaqnï kanki. Qammi tsinkakunä törri kanki. Qamllam confiakunqä Diosnï kanki>>.

Dios Yayapa poderninchö kawaq runatam llapanpaq poderyuq Dios Yaya imaykapitapis tsapanqa.

Mañakayämaptinmi änishaq. Llakikuyaptinmi kikï paykunawan kashaq. Yanaparmi ñakaykunapita jipishaq.

Angelninkunatam Dios Yaya kachamunqa maypa aywaptikipis cuidashunaykipaq.

Paymi plümankunawan tsaparar oqllaräshunki. Ripran qopinchö karmi ni imapita mantsakunkitsu. Prometinqanta cumplirmi escüdunö imaypis tsapäshunki.

DIOS YAYAMAN confiakur kawakuptiki y poderösu Diosman tsinkakuptikim ima desgraciapis päsashunkitsu. Wajikichö täkuqkunapis manam qeshyayanqatsu.

Dios Yayam salvashunki contraykipa poderninpita. Paymi tsapäshunki wañutsikuq qeshyaypitapis.

Itsuq kaqlänikichö waranqata (1,000) wañutsirpis y derëchu kaqlänikipa chunka waranqata (10,000) wañutsirpis qamtaqa manam wañutsishunkitsu.

Paqaspapis manam ni imapita mantsakunkitsu. Junaqpa flëchayaptinpis manam mantsakankitsu. Paqaspa o junaqpa pesti qeshyay pïmayta wañutsiptinpis manam mantsakankitsu.