Salmo 92
92
Salmo 92 (91)
Kuyakuq kanqanpita Dios Yayata alabanqan
1 (1) Kay salmum jamay junaqchö cantanapaq alabanza.
1 1 (2) Dios Yaya, qamta agradëcikunqaqmi alli.
Poderösu Dios Yaya, qamta alabarnikim alläpa kushikü.
2 2 (3) Llakipäkuq kanqaykipitam alliqpa alabashayki.
Paqaspanam prometinqaykita cumpliq kanqaykipita adorashayki.
3 3 (4) Chunka cuerdayuq taksha arpawan, jatun arpawan y salteriuwanmi alabashayki.
4 4 (5) Dios Yaya, llapan ruranqaykita rikarmi kushikü.
Tsaymi shonqü alläpa kushikun.
5 5 (6) Dios Yaya, imayka ruranqaykikunam mantsakaypaq.
Yarpanqaykita ¿piraq musyanman?
6 6 (7) Mana alli ruraqkunaqa tsaykunata manam tantiyayantsu.
7 7 (8) Waray warantin ushakäyänallanpaqmi mana alli runakuna y mana cäsushuqnikikuna mana alli qoranö miraykäyan.
8 8 (9) Peru Dios Yaya, qammi sïqa imayyaqpis rey kanki.
9 9 (10) Llapan contraykikunam ushakäyanqa.
Mana alli runakunam maytsaypa aywakuyanqa.
10 10 (11) Törupa kallpannö kallpä kananpaqmi qaramanki.
Yanapamaptikim alläpa kushikü.
11 11 (12) Conträkuna ushakaqtam rikäshaqraq.
Chikiqnïkuna sufrir waqayanqantam wiyashaqraq.
12 12 (13) Alli runakunaqa palmëra jachanömi atska wata kawakuyanqa.
Líbanuchö cedrunöraqmi kayanqa.
13 13 (14) Dios Yayapa wajinchömi paykuna imaypis kaykäyan.
Templupa patiunchö kuyakuypaq waytakunanömi kayan.
14 14 (15) Awkinyarpis jövinnöllam kayan.
Imaypis sänu jinchim kayan.
15 15 (16) Tsaychömi Dios Yaya tsapämaqnintsik kanqanta willakuyan.
Alli runakunapa janan shärinqantam imaypis willakuyan.
Currently Selected:
Salmo 92: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
