Isaías 50
50
Mana cäsukuqkunata Dios Yaya castiganqan
1 Dios Yayam nin:
<<Qamkunach yarpäyanki juk runa warminpita rakikaqnö dëjayanqaqta.
Rasunpa tsaynö kaptinqa ¿maytan rakikanqantsik papel?
Tsaynöllach talvezqa yarpäyanki pitapis dëbir servikuq kayänaykipaq rantikuyanqaqta.
Tsaypunqa ¿maytan dëbikunqä papel?
Qamkunataqa jutsa rurayanqaykipitam rantikuyashkaq.
Qamkuna mana cäsukuq kayanqaykipitam mamaykita#50.1 Kay textuchömi Israel nacionta juk warmiman iwalatsirqan. Tsaymi mamaykita qarqushkä ninanqa Jerusalén markata ushakätsishkä ninan. qarqushkä.
2<<¿Imanirtan yanapaqnikikuna shamur creyikuykaqtatsu tariyashkaq?
¿Imanirtan qayayaptiq contestayämankitsu?
¿Manaku creyiyanki yanapayänaqpaq poderyuq kanqäta?
¿Manaku creyiyanki salvaqnikikuna poderösu kanqäta?
Poderösu karmi juk shimilla lamarta y mayukunatapis tsakiskatsï.
Tsaymi pescädukunapis mana yaku kaptin wañur ushakäyan.
3Poderösu karmi lütu llatapata shukutsiqnö ciëlutapis tutapaskatsï>>.
Dios Yayata serviq runa sufrirpis creyikunqan
4 Dios Yayam yachatsimashqa llakishqa kaykaqkunata animatsir kushikatsinäpaq.
Pay nimanqanta tantiyanäpaqmi cada alliq rikchatsiman.
5Cäsukuq kanäpaqmi Dios Yaya yanapaman.
Tsaymi pay nimanqanta imaypis cäsukü.
6Runakuna astayämänanpaqmi waqtäta kamapashkä.
Shapräta llupiyaptinpis manam parlakushkätsu.
Ashar toqapäyämaptinpis manam qaqlläta tsapakushkätsu.#Mat. 26.67; Mar. 14.65.
7 Dios Yaya yanapamaptinmi awantashkä.
Mana penqakurmi Dios Yayaman creyikuykä.
Tsaymi mana kuyuq qaqanö kä.
Dios Yayaman creyikunqäpita manam imaypis penqakushaqtsu.
8Dios Yayam paqtä kaykan.
Paymi musyan jutsannaq kanqäta.
¿Piraq noqata pärapamanman?
Conträ shäriqkuna qorikaskir imatapis mä tumpayämätsun.
9 Dios Yaya yanapaykämaptinqa ¿piraq imatapis tumpamanman?
Llatapa puyur ushakanqannömi llapan conträkunapis ushakäyanqa.#Rom. 8.33-34.
10 Dios Yayapita mantsakurqa mayqaykipis shumaq tantiyakuyay.
Serviqnin willakunqanta cäsukuq karqa shumaq yarpachakuyay.
Alläpa llakikur tutapäpukushqanö karqa Dios Yayaman confiakuyay.
Ni imanakaytapis mana puëdirqa yanapayäshunaykipaq payta rugakuyay.
11Dios Yayam nin:
<<Kikillaykikunaman confiakuqkuna, shumaq tantiyakuyay.
Noqaman confiakayämunqaykipa rantinmi yarpayllaykikunaman confiakuykäyanki.
Tsaynö kayanqaykipita castigayaptiqmi alläpa sufriyanki>>.
Currently Selected:
Isaías 50: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
