Isaías 49
49
Dios Yayata serviq kanqan
1Costachö nación runakuna, wiyayämay.
Karu nacionkunachö täkuq runakuna, niyanqaqta shumaq tantiyayay.
Manaraq yuriptïmi Dios Yaya qayamarqan.
Mamäpa pachanllachöraq kaykaptïmi shutï churarqan.#Jer. 1.5; Gál. 1.15.
2Parlanqäpis alli afilashqa espädanö kananpaqmi permïtishqa.#Heb. 4.12; Apoc. 1.16.
Makinwanmi imaykapitapis tsapämashqa.
Fïlu puntayuq flëchanö kanäpaqmi churamashqa.
Flëchanta puritsikunanman wiñashqanömi kaykä.
3Paymi nimarqan:
<<Servimaqnï Israelmi kanki.
Servimaptikim maytsaychöpis alabashqa kashaq>>.
4Tsaynö nikämaptinmi mana tantiyakur nirqä:
<<Manakaqllapaqmi Diostapis servishkä.
Manakaqllapaqmi kallpätapis ushashkä.
Peru imanö karpis Dios Yayapa poderninchömi kaykä.
Paymi servinqäpita imaypis yanapamanqa>>.
5 Dios Yayam serviqnin kanäpaq akramashqa mamäpa pachanllachöraq kaykaptï.
Paymi churamashqa Israel runakunata paywan amistatsinäpaq.
Diosnï kuyamarmi imaykachöpis yanapaman.
6Paymi nimashqa:
<<Manam Jacobpita miraq runakunawan amistatsimänaykillapaqtsu akrashkaq.
Qamtam churashkaq maytsay nacionkunapaq aktsi kanaykipaq.#Isa. 42.6; 60.1-3; Luc. 2.31-32; Juan 8.12; Hech. 26.23.
Tsaynöpam maytsaychöpis runakuna salvakäyanqa>>.#Hech. 13.47.
7Llapan nación runakunam chikiyäman.
Mandakuq runakunam poderninkunachö katsiyäman.
Tsaynö kaptinpis Israel runakunata salvaq santu Dios Yayam niman:
<<Reykunapis y mandäsiqninkunapis puntaykimanmi qonqurpakayämunqa.
Tsaynö qonqurpakayämunqa qamta akrashqa kaptiqmi y prometinqäta imaypis cumpliptïmi.
Israel runakunapa santu Diosnin karmi tsaynö kananpaq permïtishaq>>.
Jerusalénta allitsananpaq ninqan
8 Dios Yayam serviqninta nin:
<<Llakipanqä höram mañakamanqaykita wiyashkä.#2Cor. 6.2.
Salvanaqpaq kaq junaqmi yanapashkaq.
Noqam imaypis tsapäshayki.
Runakunawan pactuta ruranäpaqmi churashayki.
Tsaynöpam Israel nacionta unay kanqanmannö kutitsinki.
Dëjayanqan chakrakunatapis duëñunkunatam entreganki.
9<<Tsaymi prësu kaykaqkunatapis <yarqayämuy> ninki.
Tutapäpukushqanö kaykaqkunatapis <atsikyayman yarqayämuy> ninki.
Paykunam üshänö kayanqa.
May nänipa aywayaptinpis allim cuidashaq.
Tsaki jirkakunapa päsayaptinpis atskam qewa kanqa.
10Rupaypa achayninpis paykunata manam rupanqatsu.
Llakiparninkunam chuya yaku pashtanqanpa pushashaq.
Manam mallaqäyanqatsu ni yakunäyanqatsu.#Apoc. 7.16-17.
11Jirkakunapam alli nänita rurashaq.
Nänikunatapis parijarmi pampatsäshaq.
12Kuyanqä runakunam karupita shayämunqa.
Norti kaqläpita, rupay jeqanan kaqläpita y Sinim partipitam shayämunqa>>.
13¡Ciëlu, kushikuypita qayaykachar cantay!
¡Kay patsa, alläpa kushikuy!
¡Jirkakuna, kushikur alabayay!
¡Dios Yaya kuyanqan runankunata salvanqanpita kushikuyay!
¡Waktsakunata llakipanqanpita kushikuyay!
14 Siónmi # 49.14 Kay versïculukunachömi Siónpaq parlar Israel runakunapaq parlan. Tsaynömi wawayuq warmiman iwalatsirqan. nin:
<<Dios Yayam dëjaskamar qonqamashqa>>.
15Tsaymi Siónta Dios Yaya nin:
<<¿Wawanta warmi qonqanmantsuraq?
¿Wawanta manatsuraq llakipanman?
Wawanta qonqaptinpis noqaqa manam ni imay qonqashaykitsu.
16Maki paltämanmi shutikitapis qellqashkä.
Marka murällaykikunatam imaypis yarparaykä.
17Allitsayäshuqnikikuna sasllanam shayämunqa.
Ushakätsiyäshuqnikikunapis aywakuykäyannam.
18<<Maski shumaq entërupa rikachakuy.
Maytsaypitam wawaykikuna#49.18 Kay versïculukunachömi Siónpa wawankuna Israel runakuna kayarqan. qorikaykäyämun.
Noqa Dios Yayam jurar nï:
Wawaykikuna kutimurmi jipash casarakunanpaq llatapanö kayanqa.
Qamnam tsay kuyakuypaq llatapata shukukuqnö kushikunki.
19<<Maytsikaq runakuna kutiyämuptinmi nacionnikipis alläpa kichki kanqa.
Raqäkunaman y tsunyakunamanmi juntäyanqa.
Ushakätsishuqnikikunanam karupa aywakuyanqa.
20Ushakäyanqanta yarpaptikipis wawaykikunam maytsikaq kutimur niyäshunki:
<Dios Yayapa bendicionninwan mirarmi kay nacionman juntäyashkä.
Juk partitana ashipaykayällämay tsaychö täkuyänäpaq>.
21<<Tsaymi alläpa kushikurnin yarpayllaykichö ninki:
<Wawäkunata wañutsir ushaykäyaptinqa ¿pipatan kay wawankuna?
Wakin kaq wawäkuna qarqushqa kar juklächö täkuykäyaptinqa ¿maypitatan kay wawäkuna yuriyämushqa?
Japallä kaykaptïqa ¿maypitatan shayämushqa?> >>
22Sióntam Dios Yaya nin:
<<Maytsay nacionkunachö täkuqkunata mandaptïmi wawaykikunata warmita ollqutapis marqashqa y aparishqa apayämunqa.
23Tsay wawaykikunatam reykuna legitimäkuyanqa.
Reypa tsurin jipashkunam qeshpitsiyanqa.
Paykunam respitayäshurniki qonqurikayämunqa.
Tsaymi musyanki Dios Yaya kanqäta.
Noqaman confiakamuqkunaqa manam penqakuyanqatsu>>.
24Kallpasapa runa guërrachö venciskir imaykatapis apaptin ¿pillaqa qechunmantsuraq?
Lïsu runa prësu apaptin ¿pillaqa qechunmantsuraq?
25 Dios Yayam nin:
<<Peru noqam sïqa kallpasapa runa ima apanqantapis qechushaq.
Lïsu runa prësu apanqan runakunatam qechumushaq.
Favorniki shärirmi chikishuqnikipa poderninpita wamraykikunata qorimushaq.
26<<Ñakatsiyäshuqnikikuna kikinkunapura wañutsinakuyänanpaqmi permïtishaq.
Alläpa wañutsinakuy kaptinmi runa majinpa aytsanta mikuqnö kayanqa.
Mayunöraq yawar aywaptinmi runa majinpa yawarninta upuqnö kayanqa.
Llapan runakunam salvashuqniki Dios Yaya kanqäta musyayanqa.
Tsaynöllam musyayanqa Jacobpa poderösu Diosnin kar qamkunatapis tsapäyanqaqta>>.
Currently Selected:
Isaías 49: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
