Popular Bible Verses from Isaías 50

Share

DIOS YAYAM yachatsimashqa llakishqa kaykaqkunata animatsir kushikatsinäpaq. Pay nimanqanta tantiyanäpaqmi cada alliq rikchatsiman.

DIOS YAYA yanapamaptinmi awantashkä. Mana penqakurmi Dios Yayaman creyikuykä. Tsaymi mana kuyuq qaqanö kä. Dios Yayaman creyikunqäpita manam imaypis penqakushaqtsu.

DIOS YAYAPITA mantsakurqa mayqaykipis shumaq tantiyakuyay. Serviqnin willakunqanta cäsukuq karqa shumaq yarpachakuyay. Alläpa llakikur tutapäpukushqanö karqa DIOS YAYAMAN confiakuyay. Ni imanakaytapis mana puëdirqa yanapayäshunaykipaq payta rugakuyay.