DEUTERONOMI 7

U paidlang bakyntang ïa U Trai

(Eks. 34:11-16)

1 # Ki Kam. 13:19. “Ynda U Trai uba U Blei jong me u la wallam ïa me sha kata ka ri sha kaba me leit ban ïoh ïa ka, bad ynda u la beh noh ruh ïa bun ki jaid bynriew na khmat jong me, ïa ki Hit, bad ïa ki Girgash, bad ïa ki Amor, bad ïa ki Kanaan, bad ïa ki Peris, bad ïa ki Hib, bad ïa ki Jebus ruh, hynñiew keiñ ki jaid bynriew kiba kham khraw, bad kiba kham don bor ban ïa me; 2#Eks. 23:32,33; 34:12,15,16.bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki: 3#Eks. 34:15,16.lymne men ym ïashongkurim bad ki: men ym ai ïa la ka khun ha u khun jong u, lymne men ym shim ïa ka khun jong u ha u khun jong me. 4Naba kin pynphai noh ïa u khun jong me na kaba bud ïa nga, ba kin ïoh shakri ïa kiwei pat ki blei; kumta keiñ, kan meh ka jingbitar U Trai pyrshah ïa phi, bad un pynjot noh ïa me shisyndon. 5#Eks. 23:24; 34:13; Jkñ. 33:52; Deu. 12:3.Hynrei, kumne phin leh bad ki: phin ïa-pynkyllon ïa ki duwan jong ki, bad phin ïa-pynkheiñ lyngkhot lyngkhot ïa ki durblei jong ki, bad phin ïakhet noh ïa ki 'law kyntang jong ki, bad phin ïathang ruh ïa ki durblei ba la mut jong ki da ka ding.

6 # Eks. 19:5; 22:31; Leb. 11:44,45; 19:2; 20:7,26; Jkñ. 15:40; Deu. 14:2,18,21; 26:19; 28:9; Tit. 2:14; 1 Pet. 2:9. “Naba me long u paidlang bakyntang ïa U Trai uba U Blei jong me: uta U Trai uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei. 7U Trai um shym la ieit ïa phi, lymne jied ïa phi, namar ba phi la long kham bun ban ïa kiwei pat ki kynja bynriew; naba phi la long kiba kham khyndiat tam na ki kynja bynriew baroh: 8hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt. 9#Eks. 20:5,6; 34:6,7; Jkñ. 14:18; Deu. 5:9,10.To tip, namar kata, ba U Trai uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew; 10bad u pynhiar kput pyrshah khmat ïa kiba shun ïa u, ïa ka ban pynjot noh ïa ki: un ym tud slem ïa uta uba shun ïa u, un pynhiar kput keiñ pyrshah khmat ïa u. 11To men sumar, namar kata, ïa kita ki hukum, bad ïa kita ki aiñ, bad ïa kita ki jingbishar, ïa kiba nga hukum ïa me ha kane ka sngi, ban leh ïa ki.

Ki jingkyrkhu kiba mih na ka jingkohnguh

(Leb. 26:3-13; Deu. 28:1-14)

12 # Deu. 11:13-17. “Kan long te, naba phi shahshkor ïa kine ki jingbishar, bad phi sumar, bad leh ruh ïa ki, ba U Trai uba U Blei jong me un pynskhem bad me ïa kata ka jutang, bad ïa kata ka jingisynei, ïa kiba u la smai ha ki kpa jong me: 13bad un ieit ïa me, bad un kyrkhu ïa me, bad un pynroi ruh ïa me: bad un kyrkhu ruh ïa u soh ka kpoh jong me, bad ïa u soh ka ri jong me, ïa u Kew jong me, bad ïa ka Waiñ jong me, bad ïa ka umphniang jong me, bad ïa ka jingroi ki masi jong me, bad ïa ki kynhun langbrot jong me, ha kata ka ri ïa kaba u la smai ha ki kpa jong me ban ai ha me. 14Men long ïa uba la kyrkhu nalor ki jaid bynriew baroh: yn ym don shynrang lymne kynthei balyngki hapdeng jong phi, lane hapdeng ki jingri jong phi. 15Bad U Trai un shim noh na me ïa ka jingkhrew baroh; bad un ym buh halor jong me ïa kawei keiñ na kita ki jingpang ki basniew jong ka ri Ijipt, ïa kiba me tip, hynrei, un buh ïa ki halor kita baroh kiba shun ïa me. 16To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

17“Lada men ong ha la ka dohnud, ‘Kine ki jaid bynriew ki kham bun ïa nga, kumno nga lah ban beh noh ïa ki?’ 18men ym sheptieng ïa ki: hynrei, to ïaikynmaw biang ïa kata ba U Trai uba U Blei jong me u la leh ïa u Pharaoh, bad ïa ka ri Ijipt baroh; 19ïa kita ki jingtynjuh bakhraw ïa kiba ki khmat jong me ki la ïohi, bad ïa kita ki dak, bad ïa kita ki jingphylla, bad ïa kata ka kti badonbor, bad ïa kata ka ksang'ti ba la kner, da kiba U Trai uba U Blei jong me u la ïalam noh ïa me: kumta keiñ, U Trai uba U Blei jong me un sa leh ïa kita ki jaid bynriew baroh ïa kiba me sheptieng. 20Nalor kane, U Trai uba U Blei jong me un phah da ki kyieng hapdeng jong ki, tad ynda la pynduh noh khoit ïa kita kiba dang sah, bad kiba buhrieh ïa lade na me. 21Me wat sheptieng ïa ki: namar U Trai uba U Blei jong me u don hapdeng jong phi, U Blei u Badonbor, bad uba itieng. 22Te U Trai uba U Blei jong me un beh noh ïa kita ki jaid bynriew na khmat jong me khyndiat pa khyndiat: mem lah ban pynduh noh ïa ki shisyndon, ba ïoh ki mrad khlaw ki ïaroi kham bun ïa me. 23Hynrei, U Trai uba U Blei jong me un aiti ïa ki ha me, bad un pynjot noh ïa ki da ka jingpynjot bakhraw, tad ynda la pynjot noh khoit ïa ki. 24Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki. 25Men thang ïa ki dur ba la mut ki blei jong ki da ka ding: men ym ikwah ïa ka rupa, lane ïa ka ksiar kaba halor jong ki, ïa ka ban shim ha lade, ba ïoh yn riam ïa me ha kata: namar ka long kaba ijli ha U Trai uba U Blei jong me: 26Lymne me wat wallam ïa kaba ijli ha la ïing, ba ïoh men long ïa uba la tim kum kata hi: hynrei, men ijli ïa ka baroh phar, bad men isih eh ïa ka baroh phar, namar ka long ïa kaba la tim keiñ.

Currently Selected:

DEUTERONOMI 7: KHB

Highlight

Copy

Compare