Popular Bible Verses from DEUTERONOMI 7

Share

To tip, namar kata, ba U TRAI uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew

“Naba me long u paidlang bakyntang ïa U TRAI uba U Blei jong me: uta U TRAI uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei.

hynrei, namar ba U TRAI u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U TRAI u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

U TRAI um shym la ieit ïa phi, lymne jied ïa phi, namar ba phi la long kham bun ban ïa kiwei pat ki kynja bynriew; naba phi la long kiba kham khyndiat tam na ki kynja bynriew baroh

Men long ïa uba la kyrkhu nalor ki jaid bynriew baroh: yn ym don shynrang lymne kynthei balyngki hapdeng jong phi, lane hapdeng ki jingri jong phi.