ABAROMA 3
3
1Kho mupaara mbu Abayahudi balikhwo obulayi okhushila Abamahanga noho? Noho mupaaranga inganga yilikhwo mukhushebwa noho? 2Toto nolwa kali kario munjila yosi! Olwambeli, Nyasaye yahelesia Abayahudi okhulinda oburumebwe. 3Nebutswa abandi khubo shibali abasuubilwa ta. Kho kano kakhamanyisia mbu, Nyasaye shiali omusuubilwa ta noho? 4#Tsits. 51:4Kata nahatuutu tawe! Nyasaye okhuula abe owobwatoto, kata olwa buli mundu aba nali omubeeyi. Shinga olwa Amahandiko kaboolanga kari,
“Buli olwa oboola, okhuula aka oboola kabe akahabwene;
ne okhuula ohule eshiinashio olwa oba noyasibwa.”
5Nebutswa nikaba mbu, amabi kakhukholanga kalolesia habulafu akobulunjishi bwa Nyasaye, kho khwakhaboola shiina? Khunyala okhuboola mbu, Nyasaye akholanga obubi olwa akhuhelesia ifwe eshinyasio? (Emboola shinga omundu namundu.) 6Shikali kario tawe! Nyasaye naba nalali owahabwene ta, yakhanyala arie okhukhalachila abandu boosi eshiina? 7Ne obubeeyi bwanje nibuba nibuchila obwatoto bwa Nyasaye nibulolesia oluyalilwe, kho mbushiina isie nishikhalachilungwa eshiina shinga omwonooni? 8Kho nikali kario, mbushiina nikhulaboola mbu, “Lekha khukhole amabi kho khunyoole amalayi?” Abandu bandi baanyeka isie, nibanjikha mbu, ndaboola amakhuwa tsana ako! Balikhalachilwa eshiina shinga bakhoyeele.
Shialiho ouli omulunjishi tawe
9Kho, khunyala okhuboola mbu, ifwe Abayahudi khulikhwo obulayi okhushila Abamahanga noho? Kata nahatutu tawe! Emalile okhumanyia mbu, Abayahudi nende Abamahanga boosi nabonooni. 10#Tsits. 14:1-3; 53:1-3Shinga olwa Amahandiko kaboolanga mbu,
“Abulaho kata mulala ouli omulunjishi.
11Abulaho oumanyilisinjia, kata okhwinamila Nyasaye tawe.
12Boosi bashiukhana nibarula khu Nyasaye, boosi bakorire;
abulaho kata mulala oukholanga akahabwene tawe.
13 #
Tsits. 5:9;
Tsits. 140:3
Eminwa chiabwe chili shinga ing'ani eyikusuhe;
bekhoonyelanga tsinimi tsiabwe okhubeya.
Amakhuwa kabwe kali nobufisi shinga obweinzokha.
14 #
Tsits. 10:7
Eminwa chiabwe chietsulamwo ebilakamunwa ebilulu.
15 #
Isa. 59:7,8 Bali bwangu okhusaalisia nende okhuratsia eshitsayi,
16buli aha batsia balekhangaho amasila nende obusasishi.
17Shibamanyile injila yomulembe tawe.
18 #
Tsits. 36:1
Shibayekakhwo okhuria Nyasaye tawe.”
19Bulano khumanyile mbu, kamalako kaboolanga koosi kachoomanga khwabo abali hasi wamalako kene ako, kho mbu eshibehelesi shiosi shibuleho khandi nende okhura eshialo shiosi hasi wobuyaasi bwa Nyasaye. 20#Tsits. 143:2; Abagal. 2:16Abulaho omundu oukholungwa omulunjishi imbeli wa Nyasaye khulwa okhukhola akamalako kaboolanga; eshiamalako kakholanga nokhumanyia omundu mbu yonoonile.
Shinga olwa Nyasaye alunjisinjia abandu imbeliwe
21Nebutswa bulano injila ya Nyasaye okhukhola abandu okhuba abalunjishi imbeliwe yilolesibwe. Ne shiyili okhubirira mumalako ka Muasa tawe. Nebutswa Amalako ka Musa nende abalakusi baboola obuloli khunjila eyo. 22#Abagal. 2:16Abandu bakholungwa okhuba abalunjishi imbeli wa Nyasaye okhubirira mubusuubili bwabwe mu Yesu Kristo. Nyasaye akholanga ako khuboosi abasuubila mu Kristo, okhuba obwahukhani shibuliho ta, 23okhuba abandu boosi bamala okhwonoona, khandi baleema okhuula khuluyali lwa Nyasaye. 24Nebutswa khulwa eshihaanwa shia Nyasaye eshieshikhaya shiobukoosiabwe, boosi bakholungwa abalunjishi okhubirira mu Yesu Kristo, oubakholanga abalekhuule. 25Nyasaye yahaana Yesu mbu, khulwa okhufwakhwe abe eshitiso eshiokhwosia obwonooni bwabandu, okhubirira mubusuubili bwabwe muye. Nyasaye yakhola kano khulwokhumanyia obulunjishibwe. Khale yali omwisimilisi khandi shiyateeba obwonooni bwabandu tawe; 26nebutswa munyanga tsino, ateebanga obwonooni bwabandu okhumanyisia obulunjishibwe. Munjila yino Nyasaye amanyisiinjia mbu, ye mwene nomulunjishi, khandi akholanga buli mundu ousuubila mu Yesu okhuba omulunjishi.
27Kho, eshiakhunyala okhwiyitsialilakhwo nishiina? Shishilikhwoho tawe! Ne eshifune eshia kano nishiina? Nokhubeela mbu khuhulilanga amalako noho? Tawe, nebutswa mbu khusuubilanga. 28Kho khumalilisia mbu, omundu akholungwa omulunjishi okhubirira mubusuubili, ne shikali khulwa okhukhola kamalako kaboolanga tawe. 29Noho Nyasaye uno ni Nyasaye owa Abayahudi bonyene? Shiali khandi Nyasaye owa Abamahanga? Mbula kali kario. 30#Okhuk. 6:4; Abagal. 3:20Nyasaye nimulala, ne alakhola Abayahudi okhuba abalunjishi khulwobusuubili bwabwe, khandi alakhola Abamahanga okhuba abalunjishi khulwa obusuubili bwabwe. 31Kho kano kaboolanga mbu khurusieho amalako khulwobusuubili noho? Tawe, kata nahatuutu tawe! Habula mbu, khukatinyilisie.
Currently Selected:
ABAROMA 3: OLUDC
Highlight
Share
Copy
Want to have your highlights saved across all your devices? Sign up or sign in
