Popular Bible Verses from ABAROMA 3

Share

okhuba abandu boosi bamala okhwonoona, khandi baleema okhuula khuluyali lwa Nyasaye. Nebutswa khulwa eshihaanwa shia Nyasaye eshieshikhaya shiobukoosiabwe, boosi bakholungwa abalunjishi okhubirira mu Yesu Kristo, oubakholanga abalekhuule.

Abandu bakholungwa okhuba abalunjishi imbeli wa Nyasaye okhubirira mubusuubili bwabwe mu Yesu Kristo. Nyasaye akholanga ako khuboosi abasuubila mu Kristo, okhuba obwahukhani shibuliho ta

Nyasaye yahaana Yesu mbu, khulwa okhufwakhwe abe eshitiso eshiokhwosia obwonooni bwabandu, okhubirira mubusuubili bwabwe muye. Nyasaye yakhola kano khulwokhumanyia obulunjishibwe. Khale yali omwisimilisi khandi shiyateeba obwonooni bwabandu tawe; nebutswa munyanga tsino, ateebanga obwonooni bwabandu okhumanyisia obulunjishibwe. Munjila yino Nyasaye amanyisiinjia mbu, ye mwene nomulunjishi, khandi akholanga buli mundu ousuubila mu Yesu okhuba omulunjishi.

Abulaho omundu oukholungwa omulunjishi imbeli wa Nyasaye khulwa okhukhola akamalako kaboolanga; eshiamalako kakholanga nokhumanyia omundu mbu yonoonile.

Shinga olwa Amahandiko kaboolanga mbu, “Abulaho kata mulala ouli omulunjishi. Abulaho oumanyilisinjia, kata okhwinamila Nyasaye tawe. Boosi bashiukhana nibarula khu Nyasaye, boosi bakorire; abulaho kata mulala oukholanga akahabwene tawe.

Kho khumalilisia mbu, omundu akholungwa omulunjishi okhubirira mubusuubili, ne shikali khulwa okhukhola kamalako kaboolanga tawe.

Kata nahatuutu tawe! Nyasaye okhuula abe owobwatoto, kata olwa buli mundu aba nali omubeeyi. Shinga olwa Amahandiko kaboolanga kari, “Buli olwa oboola, okhuula aka oboola kabe akahabwene; ne okhuula ohule eshiinashio olwa oba noyasibwa.”