Bar. 10

1Bawandaayase, liliekoomba lie kumwoyo kwase, ne lisaba liase lili mbo babaandu base ba Isiraeli baonisibwe. 2Nyala namusuubisia enywe ndi bali ne sinani sikali khu Wele, ne kakhali sinani siabwe se sili khuloondekhana ne bukesi bwa ng'ali tawe. 3Se bamanya engila niyo Wele akholelangamo baandu baaba baluungi khu niye omwene tawe, ne kakhali, bakhaka khurao engila yabwe babeene mala mu khukhola khurio se beaana babeene khu ngila niyo Wele araao eye khukhola baandu baaba baluungi tawe. 4Sikila Kristo areera Lilaka khu siakamo, nio buli mundu yesi yesi osuubila akholwa omuluungi ne Wele.

Buonia buli bwa boosi

5 # Bal. 18.5 Musa aandika kano khulwe khukholwa omuluungi ne Wele mu ngila eye khuria Lilaka, “Omundu yesi yesi oria ke Lilaka alamenya.” 6#Likh. 30.12-14 Ne nilio liiandiko liboola khulwe khukholwa omuluungi ne Wele khubirira mu lisuubila lili lino, “Se wereeba wamwene oli, Naanu olaniina mwikulu?” (Khucha khukhwikhisia Kristo aasi). 7Namwe sewereeba oli, “Naanu oleekha aasi mwiloba?” (Khucha khureera Kristo khukhwama mu lifwa.) 8Nilio liboola nilio eli, “Burume bwa Wele buli busa siimbi nawe, khu minwa kiowo ne mu mwoyo kwowo” buli burume bwe lisuubila nibwo khwilwachanga. 9Waaba ne wiyama oli Yesu ali Omwami mala osuubile oli Wele amulamusia niye khukhwama mu lifwa, olaonisibwa. 10Sikila khukholwa khuba baluungi khulwe lisuubila liefwe ne khuonisibwa khulwe khukhweyama khwefwe. 11#Isa. 28.16 Liiandiko liboola lili, “Omundu yesi yesi osuubila mu niye se aliaambwa chisoni tawe.” 12Lino lituba alala buli mundu yesi yesi, sikila bubwabukhani se bulikho akari we Bayaudi nende Be Chikholo tawe, Wele ali Omwami mulala oyo busa owa boosi, mala abiitanga chikhabi boosi bamulililanga. 13#Yoe. 2.32 Nga liiandiko liboola lili, “buli mundu yesi yesi olaanga khu lisina lio Omwami khulwe buyeeti alaonisibwa.” 14Ne banyala bamulaanga bariena khulwe buyeeti baba ne bakhamusuubila tawe? Ne banyala basuubila bariena ne bakhaulila burume? Ne banyala baulila bariena burume ne bukhelwachiibwe? 15#Isa. 52.7 Ne burume bunyala bwelwachibwa buriena barume baba ne bakharumwa tawe? Nga liiandiko liboolanga lili, “Lilicha lie barumwa bareera Elomo Endayi lili lilayi lukali!” 16#Isa. 53.1 Ne kakhali se bali boosi babafukiilila Elomo Endayi tawe. Isaya omwene aboola ali, “Omwami, naanu owasuubila burume bwefwe?” 17Khwako, lisuubila liamanga mu khuulila burume, ne burume bwichanga khubirira mu khwilwacha Kristo. 18#Chiny. 19.4 Ne kakhali ese ndeeba ndi, kali ng'ali se baulila burume tawe? Ng'ali baulila sikila nga liiandiko liboola lili.

“Liiuliilikha lie kumumilo kwabwe liola mu sibala sioosi,

kamakhuwa kabwe koola khu siakamo sie sibala.”

19 # Likh. 32.21 Lundi ese ndeeba ndi. Babaandu ba Isiraeli se bamanyilisia tawe? Musa omwene niye owanyoa akobosia ali.

“Ndarumikhira khakholo nabulebe,

khukhola babaandu base bakhalikhililwe,

ne ndaambia babaandu base lirima khulwe khurumikhira ekholo eye basilu.”

20 # Isa. 65.1 Ne Isaya ali omunyindaafu khukhila nga ne aboola ali,

“Nanyoolekhana ne nabo bakhambimanga tawe,

nabonekhela abo bakhaba ne bandeeba tawe.”

21 # Isa. 65.2 Ne khuloondekhana ne Isiraeli aboola ali, “Endaalo yoosi nabalaya kamakhono kase khukhwakaanila babaandu be sileka lundi baandalafu mu miooyo.”

Currently Selected:

Bar. 10: LUBUKUSU

Highlight

Copy

Compare