Bar. 9

1Ndikho ndomaloma bung'ali, ese ndi owa Kristo ne se mbea tawe. Kamebaasio kase ke mu mwoyo, niko Roho Omutakatifu amiia, koosi kasuubisia kali se ndikho mbea tawe 2nga ne mboola ndi, ndi ne bubeeleli buli bukali, ne buchuuni mu mwoyo kwase bukhawa tawe, 3nikoomba ndi bwakhabeele bulayi ese samwene mbe ne silaamo khukhwama khu Wele naukhasibwe khukhwama khu Kristo lundi mbe aleeyi ne Kristo mu bweyaangu bwe babaandu base mu mubili ne mu mafuki. 4#Khur. 9.4 Bali babaandu ba Wele, abakhola babaana bewe mala ababuulila luyali lwewe, akhola chindakaano chewe ne nabo mala abaelesia Lilaka, bali ne lisaaya lia Wele lia ng'ali, banyoola lisuubisia lia Wele, 5sikuuka siabwe bali Baeburania babamanyikhana, ne Kristo, nga omundu, ali owe kholo ng'ene eyo. Wele, owamiianga khu boosi, ole khufumisibwa mindali! Amina.

6Se ndikho mboola ndi elomo eya Wele yakhilwa tawe, sikila babaandu ba Isiraeli boosi se bali boosi babaana ba Wele tawe. 7Lundi lisaaye lia Aburahamu se bali boosi babaana ba Wele tawe. Wele aboolela Aburahamu ali, “Oliba ne lisaaye nilio nakhusuubisia khubirira mu Isaaka.” 8Lino liekesia lili babaana babasaalwa khulwe kumubili#9.8 babasaalwa khulwe kumubili: lino liboola khu lisaaye nilio Aburahamu anyoola khubirira mu Ishimaeli. se bali babaana ba Wele tawe, ne kakhali, babaana babasaalwa khukhwama mu lisuubisia lia Wele babalwa nga be lisaaye lia ng'ali. 9Sikila lisuubisia lia Wele liakholwa mu makhuwa kano, “Mu siise sisienyekha khakobole mala Sara aliba no mwana.”

10Ne se kali kano kong'ene tawe. Basoleeli ba Rabeka baba ne raarawabwe mulala kuuka wefwe Isaaka.

11Nio burobosi bwo mwana mulala bube khuloondekhana ne sifuno sia Wele Omwene, 12Wele aamuboolela ali, “Omukhulu alikholela omutiiti.” Aaloma kano ne bakhasaalwa tawe, lundi basiili khukhola sisiindu siosi siosi silayi namwe siibi, nio burobosi bwa Wele bwaba khuloondekhana ne kumulaango kwewe omwene, ne se bwaba khu siindu siosi siosi nisio baba ne bakholile tawe. 13Nga liiandiko liboolanga lili, “Nasiima Yakobo, mala nabiila Esau.”

14Nono, khunyala khwaboola khuli, Wele se ali owa ng'ali tawe ku? Se kali kario tawe. 15Sikila aboolela Musa ali, “Ndakholela siisa omundu yesi yesi niye nenya. Khukholela siisa.” 16Nono, buli siindu sili khuloondekhana ne siisa sia Wele siong'ene ne seli khu niko omundu enya namwe akholanga tawe. 17Sikila liiandiko liboolela khu mwami owa Misiri lili, “Nakhukhola obe omwami nio ekhurumikhire khukhwekesia bunyali bwase ne khukeesia efuma yase mu sibala sioosi.” 18Nono, Wele ali ne siisa khu mundu yesi yesi niye enyanga, ne akholanga omundu yesi yesi niye enyanga abe omuandalafu okhaulila tawe.

Lirima lia Wele ne siisa siewe

19Ne mulala khwinywe alamboolela ese ali, “Kano kaba ne kali kario, Wele anyala khunyoola ariena kamakhiikha khu mundu yesi yesi? Naanu onyala akhiingilila lilienya lia Wele?” 20Ne musaale wase, ewe nawe naanu, okobosia Wele? Enyuungu eye liloba ereebanga omubuumbi wayo eli, “Siina sisiakila ne umbuumba ori?” 21Sikila omubuumbi ali omulekhuule khurumikhira liloba nga ne enya, mala abuumbe chinyuungu chibili khukhwama mwikenya lilala, ndala erumikhe mu biise bie bakeni ne ekiindi erumikha mu kia busiele.

22Niko Wele akholile kosi kali busa kario. Enyile khukhwekesia lirima liewe mala akhole bunyali bwewe bumanyikhe. Ne aaba owe khukhwefwiilisia lukali mu khwekhaliilikha abo babamuambianga lirima, ba baaba ne balikho bacha khubunisibwa. 23Ne Wele enya lundi khubuula luyali lwewe luli lukali po, lulwecha khwifwe nibo aakholela siisa. Efwe khukhwakholwa khwerekekha khunyoola luyali lwewe. 24Sikila efwe khuli babaandu nibo alaanga, ne se akhulaanga khukhwama mu Bayaudi bong'ene tawe, ne kakhali khukhwama akhaba mu be Chikholo bosi. 25Kano niko aboolanga khukhwama mu sitabu sia Hosea ali.

“Babaandu bakhaaba babase tawe,

ndabalanga ndi, ‘babaandu base.’

Ekholo niyo khasiima tawe,

ndakilanga ndi, ‘Eyase niyo nasiima.’

26Ne buli abuundu ao nao niio baboolelwa bali,

‘Se muli babaandu base tawe,’

abwenao balalaangwa bali,

babaana ba Wele omenyile mindali.”

27Ne Isaya enoosia ka Isiraeli ali, “Akhaba babaandu ba Isiraeli ne bali bakali nga kumuyekhe kwe khu sikiingi sie nyanja, bakeekhe mu nibo busa balionisibwa, 28sikila Omwami alakhalakila babaandu bali khu sibala bwangu lundi lumaliilisi.” 29Kali nga Isaya ne aboola khale ali, “Abanga Wele Omunyali Owa Bioosi alekha khuramisiliakho nibo efwe khusaalwakho tawe, andi khwekela nga Sodomu, andi khwaba nga Komora.”

Lisaba lia Paulo khulwa Isiraeli

30Nono khuboola khuli Be Chikholo, bakhakhakanga babeene khuba baluungi khu Wele tawe, bakholwa baluungi ne naye khubirira mu lisuubila, 31ne babaandu ba Wele, babayiimanga lilaka bali libakhole baluungi ne Wele, se balinyoola tawe.

32Siina sisiakila? Sikila se beamba khu lisuubila tawe, ne kakhali beamba khu niko bakhola. Khwako betuya, khu libaale, “Lie khukhwetuyakho.” 33Nilio liiandiko lilomalomangakho lili.

“Lola, nda mu Sayuni libaale likhola babaandu betuye,

lulwanda lulibakhola bakwe.

Ne yesi yesi osuubila mu niye se aliaambwa chisoni tawe.”

Currently Selected:

Bar. 9: LUBUKUSU

Highlight

Copy

Compare