Popular Bible Verses from Bar. 10

Share

Waaba ne wiyama oli Yesu ali Omwami mala osuubile oli Wele amulamusia niye khukhwama mu lifwa, olaonisibwa.

Sikila khukholwa khuba baluungi khulwe lisuubila liefwe ne khuonisibwa khulwe khukhweyama khwefwe.

Khwako, lisuubila liamanga mu khuulila burume, ne burume bwichanga khubirira mu khwilwacha Kristo.

Liiandiko liboola lili, “Omundu yesi yesi osuubila mu niye se aliaambwa chisoni tawe.” Lino lituba alala buli mundu yesi yesi, sikila bubwabukhani se bulikho akari we Bayaudi nende Be Chikholo tawe, Wele ali Omwami mulala oyo busa owa boosi, mala abiitanga chikhabi boosi bamulililanga. Nga liiandiko liboola lili, “buli mundu yesi yesi olaanga khu lisina lio Omwami khulwe buyeeti alaonisibwa.”

Ne burume bunyala bwelwachibwa buriena barume baba ne bakharumwa tawe? Nga liiandiko liboolanga lili, “Lilicha lie barumwa bareera Elomo Endayi lili lilayi lukali!”

Ne banyala bamulaanga bariena khulwe buyeeti baba ne bakhamusuubila tawe? Ne banyala basuubila bariena ne bakhaulila burume? Ne banyala baulila bariena burume ne bukhelwachiibwe?

Sikila Kristo areera Lilaka khu siakamo, nio buli mundu yesi yesi osuubila akholwa omuluungi ne Wele.