Bar. 11

Siisa sia Wele khu Isiraeli

1 # Bafil. 3.5 Nono, ndeeba ndi. Wele aloba babaandu bewe ku? Ng'ali se kali kario tawe! Ese samwene ndi Omuisiraeli, owe lisaaye lia Aburahamu, owe kholo eya Benjamini. 2Wele se aloba babaandu bewe nibo arobora khukhwama mu khurakikha tawe. Mumanyile niko liiandiko liboola, niio Elicha ekongochela Wele khulwe khu sitaka Isiraeli, 3#1 Bab. 19.10,14 “Omwami, berire bang'oosi bowo ne khutechulaka alutare chowo. Ese seng'ene niye oramire mala balakhakanga khukhunjira.” 4#1 Bab. 19.18 Wele amukobosia ali siina? “Ndi ne babaandu chielefu saba bakhasaayakho sifwaani sia Baali tawe.” 5Kali busa kario akhaba luno. Eliio esaabu ndiiti eye babaandu baramire nibo Wele arobore sikila kumwalaalo kwewe. 6Burobosi bwewe se buli khulwe bikholwa biabwe tawe, ne kakhali buli khulwe kumwalaalo kwewe. Sikila abanga bali burobosi bwewe buli khu niko babaandu bakhola, andi kumwalaalo kwewe se kuli ng'ali tawe.

7Nono siina? Babaandu ba Isiraeli se banyoola niko bayimanga tawe. Sipupu sitiiti nisio Wele arobora siong'ene nisio sisianyoola. Ne baramire boosi baminyalila kumulaango kwa Wele. 8#Likh. 29.4; Isa. 29.10 Nga liiandiko liboola, “Wele akhola kamebaasio kabwe ne kimiooyo kiabwe kialendaala, khukhwola khu ndaalo yino, se banyala babona namwe baulila tawe.” 9#Chiny. 69.22-23 Ne Daudi aboola ali,

“Bakhoya barekwe ne khutiililwa mu naikara chabwe

Bakhoya bakwe, bakhoya baukuumwe,

10Chimoni chabwe chikhoya chabofula, nio balekhubona tawe,

mala bakholwe beunamile mu minaanio kiabwe biise bioosi.”

11Nono, ndeeba ndi. Nga Bayaudi ne betuya bakwa, babunila elala ku? Se kali kario mu ngila yosi yosi tawe! Sikila bakhola bubwoni, buonia bwachile khu Be Chikholo, nio Bayaudi bakhalikhililwe. 12Bubwoni bwe Bayaudi bwareera chikhabi che buiinda mu sibala, ne kumutaambo kwabwe kwe mumwoyo kwareera chikhabi che buiinda khu Be Chikholo. Nono, chikhabi chiliba chingali chiriena nga esaabu eye Bayaudi ne ekhechusibwe!

Buonia bwe Be Chikholo

13Ndikho luno ndomaloma khwinywe Be Chikholo. Nga ese ne ndi Omurumwa khu Be Chikholo, ndebonia khulwe kimilimo kiase. 14Wakana nyala nakhola babaandu be kholo yase eng'ene bakhalikhililwa, nio nyale khuoniakho balala khu nibo. 15Sikila nga Bayaudi balobwa, babaandu boosi bakaluukhasibwa khukhwama mu khuba basiku ba Wele baba basaale bewe. Nono, kaliba kariena nga bafukiililwa? Buliba bulamu khu bafu! 16Kaaba bali sitonyi sie khunyoa sie kumukaati#11.16 sitonyi sie khunyoa sie kumukaati: namwe sitonyi sie khunyoa sie kumukaati ne sili sitakatifu, aba kumukaati kwosi kuli kumutakatifu. siianwa khu Wele, aba kumukaati kwoosi kuli kukwewe, ne kaaba bali chiisi che kumurongooro chaanilwe khu Wele, aba akhaba chisakia chosi chili chichewe. 17Chisakia ndalakho che kumurongooro kumuseituni kumubiaalwa chafuniilwe ne khurusibwakho, ne lusakia lwa Museituni kwe mundaa lwaambaasiibwe khu museituni kumubiaalwa chana. Enywe be Chikholo muli nga kumurongooro kwa museituni kwe mundaa, mala luno mulikho musaanga mu bulamu bwe kamaani bwa roho bwe Bayaudi. 18Nono, khukhwola mulekhe khulekelesia abo babafunakwa barusibwao nga chisakia. Munyala mwesuunia muriena? Enywe muli busa lusakia, se mutiililila kimili tawe, kimili nikio kimutiililila enywe. 19Ne ewe olaboola oli, “Yee, chisakia charemwa charurakho khuaana bubweyaangu khwise.” 20Ako kali ng'ali baremwa barusibwakho sikila se basuubila tawe, ne ewe warama mu bweyaangu obwo sikila wasuubila. Ne okheboneselia khu lienelio tawe, ne kakhali ba omuri. 21Wele saramia Bayaudi tawe, bali nga chisakia che kumurongooro, ewe wibaasia oli alakhuramia ku? 22Ano khubona nga Wele nali omulayi ne lundi nga nali omurafu. Ali omurafu khwaabo bakwile, ne omulayi khwiwe waaba nochiililila mu bulayi bwewe. Ne waaba nokhakhola orio tawe, wesi olaremwa. 23Ne Bayaudi baba ne balekha khusuubila khwabwe, balakalusibwa mu bweyaangu nimwo babamo, sikila Wele anyala khukhola kamene ako. 24Enywe Be Chikholo muli nga lusakia lwe kumuseituni kwe mundaa nilwo baremire mala nono, liaukhana ne liba lia busiele, lwaambaasiibwe khu murongooro kumuseituni kumubiaalwa. Bayaudi bali nga kumurongooro kwa miseituni kumubiaalwa, mala liliba liliangu lukali khu Wele khuambaasia chisakia chicharemwa chino khu murongooro kwacho lundi.

Siisa sia Wele khu boosi

25Bawandaayase, buliio bung'ali bubwakukhuulilwa nibwo nenya mumanye, sikila bulamuliinda mukhakhola murio mweyibaasia nga muli bakesi tawe. Sileka sie babaandu ba Isiraeli se silibao buli lwoosi tawe. Siliio khukhwola nga esaabu eye Be Chikholo eyolaana eliicha khu Wele. 26#Isa. 59.20 Ne abwenao Baisiraeli boosi balionisibwa nga liiandiko ne liboola,

“Omuonia aliama Sayuni,

mala arusieo bumayaanu bwoosi,

khukhwama mu be lisaaye lia Yakobo.

27 # Yer. 31.33-34 Ndikhola endakaano yino nabo

nga ne ndirusiao bubwoni bwabwe.”

28Sikila baloba Elomo Endayi. Bayaudi bali basiku ba Wele, khu bulayi bwenywe Be Chikholo. Ne kakhali sikila burobosi bwa Wele, bali basaale bewe sikila bakuuka babwe. 29Sikila Wele sakaluukhasianga kamebaasio kewe khulwo oyo niye arobora ne khubiita chikhabi tawe. 30Ne khwinywe Be Chikholo, mu ndaalo chichabira mwaba mukharia Wele tawe, ne luno mwanyoolile siisa sia Wele sikila sileka sie Bayaudi. 31Mu ngila neng'ene, sikila siisa nisio mwanyoolile, Bayaudi luno se baria Wele tawe, nio akhaba boosi luno boole khunyoola siisa sia Wele. 32Sikila Wele akholile babaandu boosi baboe be sileka, nio ekesie siisa khu nibo boosi.

Khufumia Wele

33 # Isa. 55.8 Buiinda bwa Wele buli bukali buriena! Limanya liewe ne bukesi bwewe buli bwe angaaki lukali buriena! Naanu onyala khwinoosia niko abisiisie? Naanu onyala wamanyilisia chingila chewe? 34#Isa. 40.13 Nga liiandiko ne liboola lili,

“Naanu omanyile kamebaasio ko Mwami?

Naanu onyala amukaambila?

35 # Ayu. 41.11 Naanu owamuelesiakho sisiindu siosi siosi,

nio ekhumaliilikha amuruunge?”

36 # 1 Bakor. 8.6 Sikila bibiindu bioosi biabaang'anwa ne naye, ne bibiindu bioosi bimenyela khubirira mu niye ne khulwa niye luyali lube khu Wele mindali! Amina.

Currently Selected:

Bar. 11: LUBUKUSU

Highlight

Copy

Compare