ROM 4

I God u vai Evraham mo kwareki a tangaloi bakoto lo nakona huri u hauhuri luna

1?Vae u karea, i kita tana viti kworoho huri Evraham aia hi u kwareki tubumai vanamai evina kinia? ?U hagwe na havakinau lo mamaurianana? 2Aia u hagwe kwara aia u bakoto lo nako i God, vae hete kina kinau karekarea hinea mo vaira. Kwara vae diko aia u bakoto lo nako i God kina kinau karekarea hinea mo vaira sibona, vae ne kwaha domidomia huri. Vae aia nehe kwaha domidomia lai te lo nako i God, 3huri a Uliuli* Kokona u viti kwara, “I Evraham u hauhuri lui God, vae mo hauhuri hokinia hi, i God mo tagaia hokinia kwara aia a tangaloi bakoto lo nakona.” #Jen 15.6; Gal 3.6; Sem 2.23 4A tangaloi hi rau vai a bolokiana karea rau lai a kaivoli. A kaivoli hi hete hoki na hilehile vuroki lakwara, huri u rahakinira huri, ramo lavia. #Rom 11.6 5Vae a tangaloi hinea he vai na bolokiana karea tea, vae aia u hauhuri kwara i God u vai a tangaloi hati ramo bakoto lo nakona, aia hokinia kwara i God u bete na hilehile lakwae. I God u tagaia hokinia aia u bakoto lo nakona huri mo hauhuri kwehi. 6A hugwe lakua i Devit tuai u viti kwehi vake kwara a tangaloi hinea i God u tagaia kwara u bakoto lo nakona, hete huri na nona bolokiana hi mo vai, vae huri mo hauhuri, a tangaloi hi u havutia. 7Mo viti kwara,

“A tangaloi aira hi

i God u domidomi koro na noga vai vakasiliana,

vake mo gui koro na noga vaivai hati,

u havutira. #Sam 32.1-2

8A tangaloi hinea a nona vaivai hati

a Hugwe i God he ulibibia tea,

vae u havutia.”

I Evraham he lai te kaimatai lo siosio radu i God u vaia mo kwareki a tangaloi bakoto lo nakona

9?Aira kehekeheki hinea rau lai a kaimatai* lo siosio ba u havutira hokinia? Hetea. A tangaloi hinea rahe lai te kaimatai lo siosio, aira vake u havutira kwehi. I kita tau viti na leo na Uliuli* Kokona ba hinea mo viti kwara, “I Evraham u hauhuri lui God, vae mo hauhuri hokinia hi i God mo tagaia hokinia kwara aia a tangaloi bakoto lo nakona.” #Jen 15.6; Rom 4.3; Gal 3.6; Sem 2.23 10?A kinau hika u vaiana lui Evraham kihokua? ?U vaiana tomua, diko takuni tiua hi i Evraham mo lai a kaimatai lo siosio? U vaiana tomua, hete vaki takuni. 11Mo lai a kaimatai lo siosio, mori kwareki a kaimatai lakwae, mo vosangi kwara lolona he lai te kaimatai lo siosio radu nga, vae i God u tagaia hokinia kwara aia a tangaloi bakoto, huri u hauhuri luna. Vae huri na kinau hi, i Evraham u kwareki a tubu na tangaloi hinea rahe lai te kaimatai lo siosio, vae rau hauhuri lui God. Vae i God u tagaira hokinia kwara aira a tangaloi bakoto lo nakona huri rau hauhuri luna. #Jen 17.10-11 12Aia u kwareki tubumai vake, i kami hi keu lavi na kaimatai lo siosio. Hete huri luna hi kehekeheki, kemo lavi na kaimatai lo siosio, vae huri keu huri na hala na hauhuriana hoki tubumai i Evraham mo huria hinea tuai, vunu mori lavi na kaimatai lo siosio.

I God u bete na tulikileo lakwai Evraham huri mo hauhuri

13I God u tuliki lakwai Evraham mana nona gwaloana kwara vae a varamana ne kwareki noga. A tulikileo hi mo vaiana, hete huri kwara i Evraham u rongohuri na Tangwata*, vae huri u hauhuri lui God, vunu i God mo tagaia hokinia kwara aia a tangaloi bakoto lo nakona. #a Jen 18.18; 22.17-18; b Gal 3.29 14Kwara vae diko a tulikileo noi God u beteana lakwara aira hi rau rongohuri na Tangwata, a hauhuriana nona tangaloi ne kwareki a kinau vuroki, vake a tulikileo noi God, ne mulemai kina kinau vuroki. #Gal 3.18 15A Tangwata u lavi na lologute noi God vanamai kwara i God ne areki na tangaloi hati. Vae diko a Tangwata tikei, a tangaloi rahe galo lai tea lo Tangwata. #Rom 3.20; 5.13; 7.8

16Vae i God mo bete na nona tulikileo lakwakita vunuhikita hinea tamo hauhuri luna kwara a tulikileo hi ne tu lo nona domi tabetabe lakua, vake kwara a tulikileo hi ne hagwekita vunu, hinea tau kwareki a gwaloana lui Evraham. A tulikileo hi hete lakwakami a gwaloana noi Isrel kehekeheki hinea keu hauhuri, vae lakwakamu vake hinea tulu hauhuri lui God hokinia i Evraham mo hauhuri, huri i Evraham u kwareki i Tubuda i kita vunu. #Gal 3.7 17Hokinia a Uliuli* Kokona mo viti kwara, “I nau nu tauko komo kwareki a tubu na tangaloi na ureure rusa.” A tulikileo hi u tu madi lo nako i God, a God hi i Evraham mo hauhuri luna. I God aia hi u raka lai a mateana ramo ahi taliku, u vai lai kinau hinea rau tikei ramo eia. #a Jen 17.5; b Aes 48.13

A hauhuriana noi Evraham u vosangikita kina hala karea

18A kinau u rusa kwara rana vai na domi i Evraham ne sovi, vae i Evraham u hauhuri lui God u madi, mo tau na nona domidomi luna. Vae mo mulemai kina tubu na tangaloi na ureure rusa. Hokinia a Uliuli* Kokona mo viti kwara, “A nomu gwaloana ne rusa hoki na vitu.” #Jen 15.5 19I Evraham a hukaona u garagarani kwara ne vidolua, vae lolona hinea mo domi kwara u ngwarasea, a tarabehina u keokeo, vake i vavinehina i Sera a retireti, vake u ngwarasea kadia tina bava natu ba, vae a nona hauhuriana he sovi tea. #Jen 17.17 20A domina he kwalao laliki tea, he domi kairua tea kina tulikileo noi God, vae a nona hauhuriana lui God mo vaia mo huira. Hika mo kaluhaki God, 21huri u kikilai kwara a havakinau hini i God mo tuliki, vae ne vai hokinia. 22Vae huri hi, a Uliuli Kokona mo viti kwara, “I God u tagaia hokinia kwara aia a tangaloi bakoto lo nakona huri mo hauhuri lui God.” #Jen 15.6 23Lo leo hika mo viti kwara, “I God mo tagaia hokinia kwara aia a tangaloi bakoto lo nakona,” he uliana tea huria kehekeheki, #Rom 15.4 24-25vae u uliana lakwakita vake. I God mo tiraki Jisas a noda Hugwe*, kwara ne mate huri na noda vaivai hati, vunu mo rakatia mo ahi taliku kwara ne vaikita tana bakoto lo nako i God. Vae diko tau hauhuri kwara i God u rakati Jisas tina mateana, i God ne tagaikita hokinia kwara i kita a tangaloi bakoto lo nakona. #a Aes 53.4-5; b 1 Kor 15.17; d 1 Pita 1.21

Currently Selected:

ROM 4: HWT

Highlight

Copy