Popular Bible Verses from ROM 4

Share

A domina he kwalao laliki tea, he domi kairua tea kina tulikileo noi God, vae a nona hauhuriana lui God mo vaia mo huira. Hika mo kaluhaki God, huri u kikilai kwara a havakinau hini i God mo tuliki, vae ne vai hokinia.

Hokinia a Uliuli* Kokona mo viti kwara, “I nau nu tauko komo kwareki a tubu na tangaloi na ureure rusa.” A tulikileo hi u tu madi lo nako i God, a God hi i Evraham mo hauhuri luna. I God aia hi u raka lai a mateana ramo ahi taliku, u vai lai kinau hinea rau tikei ramo eia.

vae u uliana lakwakita vake. I God mo tiraki Jisas a noda Hugwe*, kwara ne mate huri na noda vaivai hati, vunu mo rakatia mo ahi taliku kwara ne vaikita tana bakoto lo nako i God. Vae diko tau hauhuri kwara i God u rakati Jisas tina mateana, i God ne tagaikita hokinia kwara i kita a tangaloi bakoto lo nakona.

A kinau u rusa kwara rana vai na domi i Evraham ne sovi, vae i Evraham u hauhuri lui God u madi, mo tau na nona domidomi luna. Vae mo mulemai kina tubu na tangaloi na ureure rusa. Hokinia a Uliuli* Kokona mo viti kwara, “A nomu gwaloana ne rusa hoki na vitu.”

Vae i God mo bete na nona tulikileo lakwakita vunuhikita hinea tamo hauhuri luna kwara a tulikileo hi ne tu lo nona domi tabetabe lakua, vake kwara a tulikileo hi ne hagwekita vunu, hinea tau kwareki a gwaloana lui Evraham. A tulikileo hi hete lakwakami a gwaloana noi Isrel kehekeheki hinea keu hauhuri, vae lakwakamu vake hinea tulu hauhuri lui God hokinia i Evraham mo hauhuri, huri i Evraham u kwareki i Tubuda i kita vunu.

Mo viti kwara, “A tangaloi aira hi i God u domidomi koro na noga vai vakasiliana, vake mo gui koro na noga vaivai hati, u havutira. A tangaloi hinea a nona vaivai hati a Hugwe i God he ulibibia tea, vae u havutia.”

huri a Uliuli* Kokona u viti kwara, “I Evraham u hauhuri lui God, vae mo hauhuri hokinia hi, i God mo tagaia hokinia kwara aia a tangaloi bakoto lo nakona.”