REVELESEN 8
8
A bulu kaibituki
1Lolona a Sivsivi* Kelekele hini mo kakwoti na bulu hi kaibituki, a kinau doluaki lolo taetae rau hugu butu a aoa duviki, rahe vaivai te vohoki.
A tavui kaibitu
2Vunu nu tagai na kaihora lolo taetae kaibitu rau tu koro na nako i God. Mo betera kina tavui kaibitu katukwale kehe vatavatahakinira.
3Vunu a kaihora lolo taetae dolua vake mo vanamai u hagovi na laha hinea rau kihia kina kol u kukwere kina kinau* boniboni. U vanamai mo tu mana voda. U lai haburuki na kinau boniboni kwara ne bului na tiutangaroa nona tangaloi doluaki noi God, vae ne hile lo voda hi rau kihia kina kol hinea mo tu vovohi na hagehagele lakua hini. #8.3: Lo duviki kairuaki maia kaitoluki na ves hi aira Kwalaha rau viti kwara, U vanamai mo tu mana kwotakwota. U lai haburuki na kinau boniboni kwara ne bului na tiutangaroa nona tangaloi doluaki noi God, vae ne hile lo kwotakwota hi rau kihia kina kol hinea mo tu vovohi na hagehagele lakua hini. #a Sam 141.2; Rev 5.8; 8.4; b Eks 30.1-3; Rev 9.13 4A kabuiahu na kinau boniboni hi mo huraia u vano tagaulu vaki mai God bulutaki mana tiutangaroa nona tangaloi doluaki noi God, u ahu tina kaba na kaihora lolo taetae aia hi mo tu koro na nako i God. #Sam 141.2; Rev 5.8; 8.3 5Vunu a kaihora lolo taetae hini mo lavi na laha na kinau boniboni hi mo hokonia kina kabukara lo voda, vunu mo vohoki na kabu hi tilo varamana. Hikani a vila mo vila, a gwatuhari mo dadarea, a ruru mo ruru, a kinau vake ramo dudumuhia. #a Lev 16.12; b Eks 19.16-19; Rev 4.5; 11.19; 16.18
A kaihora lolo taetae rau horo tavui
6Hikani a kaihora lolo taetae kaibitu hinea ramo hagovi na tavui kaibitu, rau rarai kwara rana horo tavui.
7A kaihora lolo taetae tomuaki mo horoki na bulana tavui. A kabu mana uha hinea mo mulemai kina vatu na aes* kwaririgi rau virokeroke mana dai ramo ngwangwarasuki tina mahaleki tilo varamana. Vunu laliki lo varamana, a tano u makwahe kaitolu, vae a kabu hi u kao letiuki na duviki katukwale tiura hi kaitolu, kairua maeno. Vunu doluaki na vikai hokinia nga. Vae a duvu kesakesa doluaki u kao letiuki vunuhira. #Eks 9.23-25; Esik 38.22
8Hikani a kaihora lolo taetae kairuaki mo horoki na bulana tavui. A kinau aia hoki na vuti lakua u marakaba kina kabu mo ngwalua tina taetae mo sovi tilolo tahi. A tahi hini mahigwa kaitolu, vae katukwale tiura hi kaitolu mo bohi ki dai, kairua raru eno kwehi. #Eks 7.20,21 9Vunu a boboroa mauri doluaki lolo tahi u makwahe kaitolu, katukwale tiura rau vimateki, kairua tiura rau ahi. Vunu doluaki na aga hinea rau kwalakwalao lolo tahi rau makwahe gwatu kaitolu, vae gwatu katukwale a kabu u kao leletiukinia va titikeiki, gwatu kairua maeno.
10Hikani a kaihora lolo taetae kaitoluki mo horoki na bulana tavui. A vitu lakua u kao hoki na kabu mo sovi tina taetae vaki lolo kwai na varamana. A kwai u makwahe gwatu kaitolu, vae mo hokoti na kwai katukwale tiura hi kaitolu, kairua raru eno kwehi. Vunu tilo kwai mauri hokinia nga. A kwai mauri u makwahe gwatu kaitolu, vae u hokotia katukwale tiura hi kaitolu, kairua raru eno kwehi. 11A hina na vitu hi u kwareki kwara Amiami. Hikani a kwai vano hi gwatu kaitolu, katukwale tiura u amiami, kairua raru karea. A tangaloi rusa rau tuku mate kina kwai amiami hi ramo inumia. #Jer 9.15
12Hikani a kaihora lolo taetae kaivatiki mo horoki na bulana tavui. A mataniaho u makwahe kaitolu, vae katukwale tiura hi kaitolu u mate, kairua raru eno. Vunu a vula mana vitu hokinia nga. A rani katukwale u makwahe kaitolu, katukwale u dodoka, kairua raru leleha. A bongi katukwale u makwahe kaitolu, katukwale he vavarama tea, kairua raru vavarama. #Aes 13.10; Esik 32.7,8; Joel 2.10; 3.15; Mat 24.29; Mak 13.24-25; Luk 21.25; Rev 6.12-13
13Vunu nomo taga taliku nomo rongo na mala katukwale u rovo lo mahaleki aulu sea, mo toko kware karakara mo viti “Ne hati haburu. Ne hati haburu. Lo taro hi a kaihora lolo taetae aira hi kaitolu vake, rana horoki na bulaga tavui, vae ne hati haburu vohoki mana tangaloi hinea rau toka lo varamana.”
Currently Selected:
REVELESEN 8: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
