REVELESEN 7
7
A gwaloana noi Isrel u tari vakavidolua-eviki-ngavu-kaivati- ngavu-kailimaki-kaivati
1Vunu vaki takuni tina kinau vano hi, nu tagai na kaihora tina taetae kaivati rau tu lo ngwahukui na varamana hi kaivati. Rau tu koro na langi kaivati lo varamana kwara vae a langi ne hatu herei na tano, a tahi, diko te vikai. #Jer 49.36; Esik 37.9; Dan 7.2; Sek 6.5; Mat 24.31 2Vunu note tagai na kaihora tina taetae dolua vake u ngwalua vanamai lo hala na mataniaho giri, u vanamai mana kaimatai noi God Tatoka. Mo kware karakara vaki mana kaihora tina taetae aira hi kaivati hinea i God u bete na huirana lakwara kwara rana magaraki na tano mana tahi. 3A kaihora tina taetae hi mo viti kwara, “Tulu hatu magaraki na tano mana tahi diko doluaki na vikai, vae tarisaki na matai doluaki na tangaloi boloki nona noda God kina kaimatai hika lo raega.” #Esik 9.4; Rev 9.4 4Hikani nu rongo na valuvalu na tangaloi hinea rau mataira kina kaimatai noi God lo raega. Aira u tari vakavidolua-eviki-ngavu-kaivati-ngavu-kailimaki-kaivati, #7.4: tari vakavidolua-eviki-ngavu-kaivati-ngavu-kailimaki-kaivati aia hi 144,000. hinea rau vanamai vataha na gwatuidamu nona gwaloana noi Isrel*. #Rev 14.1,3
5Lo gwatuidamu lui Suta, a tangaloi u tari vakahangavulu-dongwana-kairua. Lo gwatuidamu lui Ruben, a tangaloi u tari vakahangavulu-dongwana-kairua. Vunu lo gwatuidamu lui Gat, a tangaloi u tari vakahangavulu-dongwana-kairua. 6Lo gwatuidamu lui Asere, a tangaloi u tari vakahangavulu-dongwana-kairua. Lo gwatuidamu lui Navtali, a tangaloi u tari vakahangavulu-dongwana-kairua. Vunu lo gwatuidamu lui Manase, a tangaloi u tari vakahangavulu-dongwana-kairua. 7Lo gwatuidamu lui Simion, a tangaloi u tari vakahangavulu-dongwana-kairua. Lo gwatuidamu lui Livae, a tangaloi u tari vakahangavulu-dongwana-kairua. Vunu lo gwatuidamu lui Isakara, a tangaloi u tari vakahangavulu-dongwana-kairua. 8Lo gwatuidamu lui Sevulun, a tangaloi u tari vakahangavulu-dongwana-kairua. Lo gwatuidamu lui Sosev, a tangaloi u tari vakahangavulu-dongwana-kairua. Vunu lo gwatuidamu lui Bensamen, a tangaloi u tari vakahangavulu-dongwana-kairua.
A vao lakua lengalenga
9Takuni tiua hi, nu tagai na vao lakua lengalenga, a tangaloi nehe valu lavira tea. Aira a tangaloi mataroi, rau gwalo vanamai lo gwatuidamu vunuhia, tina ureure savia, vake rau vanamai lo leo gwatu na rusa. Hikani rau tu vovohi na hagehagele lakua hi, vake koro na nako na Sivsivi* Kelekele, rau lugwaki a lugwa lotu, rau kwali a rau here lo kabaga. #Rev 3.5,18; 4.4; 6.11; 7.13; 19.14 10Ramo toko kware karakara, rau viti “A noda God, aia hi u hugu lo hagehagelena lakua, vake a Sivsivi Kelekele, i rarua raru mo vai na hala raru mo vakahikikami.” #1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.1,7,13; 6.16; 7.15; 19.4; 21.5
11Doluaki na kaihora lolo taetae vano hi rau tu dalidali na hagehagele hi mana ngwarasea* mana boboroa mauri hi kaivati. Vunu ramo sovi hivo ki nakoga vovohi na hagehagele lakua hi ramo kaluhaki God, 12ramo viti
“!Io kareaki!
A noda God hi u taritarisa kwara
a tangaloi savia rana kaluhakinia,
rana tabe hakeki na hinana,
rana viti huri na nona lolorani,
rana lagwakinia,
rana vai mavakinia,
rana viti huri na nona huirana
mana nona rakahui vaki tuai,
a gwereki tikei.
!Io kareaki!”
13Vunu katukwale tina ngwarasea hi mo uhiau mo viti “?Ihe maira vano hi rau lugwaki na lugwa lotu? ?Rau vanamai ave?” #Rev 3.5,18; 4.4; 6.11; 7.9; 19.14
14Hikani nomo daraki nomo viti kwara, “Ngwarasea, nohe kikilai tea. I nigo ku kikilai.”
Mo kwaha maiau mo viti “A tangaloi aira hika rau hagwe na rongoana hati lakua lolona hi a tangaloi rau vai bulakikinira haburu, vae hika rau ahi tina rongoana hati hi. Rau kwasu lugwaga ramo vaira ramo lotu kina dai na kairoroi* hinea a Sivsivi Kelekele. #Dan 12.1; Mat 24.21; Mak 13.19 15Vae huri hi ramo tu koro na nako i God hinea u hugu lo hagehagelena lakua hi, ramo boloki lakwae u rani u bongi lolo nona Ingwa Kokona. Aia hi hinea mo hugu lo hagehagelena lakua hi neri tagahurira huri u hugu maira. #1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.1,7,13; 6.16; 7.10; 19.4; 21.5 16Nehe marakatira lai te taliku, ranahe madoku lai tea. A mataniaho nehe aho kadira tea, ranahe tatakugwahi tea kina ngwangwavia na aho lakua hi mo aho tiluga, #Aes 49.10 17huri a Sivsivi Kelekele aia hi lo livuka na hagehagele lakua hi, vae ne tagahurira hoki na kaitagahuri na sivsivi mo tagahuri na bulana sivsivi. Vunu neri turukinira vaki lo kwai mauri na ahiana. I God neri kwasu mamahaki doluaki na mega tinangi tina mataga.” #a Sam 23.1; Esik 34.23; Sione 10.11,14; b Sam 23.2; Aes 49.10; Jer 2.13; d Aes 25.8; Rev 21.4
Currently Selected:
REVELESEN 7: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
