Popular Bible Verses from REVELESEN 8

Share

Lolona a Sivsivi* Kelekele hini mo kakwoti na bulu hi kaibituki, a kinau doluaki lolo taetae rau hugu butu a aoa duviki, rahe vaivai te vohoki.

A kaihora lolo taetae tomuaki mo horoki na bulana tavui. A kabu mana uha hinea mo mulemai kina vatu na aes* kwaririgi rau virokeroke mana dai ramo ngwangwarasuki tina mahaleki tilo varamana. Vunu laliki lo varamana, a tano u makwahe kaitolu, vae a kabu hi u kao letiuki na duviki katukwale tiura hi kaitolu, kairua maeno. Vunu doluaki na vikai hokinia nga. Vae a duvu kesakesa doluaki u kao letiuki vunuhira.

Vunu nomo taga taliku nomo rongo na mala katukwale u rovo lo mahaleki aulu sea, mo toko kware karakara mo viti “Ne hati haburu. Ne hati haburu. Lo taro hi a kaihora lolo taetae aira hi kaitolu vake, rana horoki na bulaga tavui, vae ne hati haburu vohoki mana tangaloi hinea rau toka lo varamana.”

Hikani a kaihora lolo taetae kairuaki mo horoki na bulana tavui. A kinau aia hoki na vuti lakua u marakaba kina kabu mo ngwalua tina taetae mo sovi tilolo tahi. A tahi hini mahigwa kaitolu, vae katukwale tiura hi kaitolu mo bohi ki dai, kairua raru eno kwehi.

Hikani a kaihora lolo taetae kaitoluki mo horoki na bulana tavui. A vitu lakua u kao hoki na kabu mo sovi tina taetae vaki lolo kwai na varamana. A kwai u makwahe gwatu kaitolu, vae mo hokoti na kwai katukwale tiura hi kaitolu, kairua raru eno kwehi. Vunu tilo kwai mauri hokinia nga. A kwai mauri u makwahe gwatu kaitolu, vae u hokotia katukwale tiura hi kaitolu, kairua raru eno kwehi. A hina na vitu hi u kwareki kwara Amiami. Hikani a kwai vano hi gwatu kaitolu, katukwale tiura u amiami, kairua raru karea. A tangaloi rusa rau tuku mate kina kwai amiami hi ramo inumia.

Hikani a kaihora lolo taetae kaivatiki mo horoki na bulana tavui. A mataniaho u makwahe kaitolu, vae katukwale tiura hi kaitolu u mate, kairua raru eno. Vunu a vula mana vitu hokinia nga. A rani katukwale u makwahe kaitolu, katukwale u dodoka, kairua raru leleha. A bongi katukwale u makwahe kaitolu, katukwale he vavarama tea, kairua raru vavarama.