REVELESEN 9
9
A kaihora lolo taetae kailimaki u horoki na bulana tavui
1Hikani a kaihora lolo taetae kailimaki mo horoki na bulana tavui. Nomo tagai na vitu u sovi tina taetae vaki lo tano. U hagovi na ki kwara ne takahi na kwalu bua hinea a kwotoki tikei. #Rev 20.1 2A vitu hini mo takahi na kwalu bua hi, a kabuiahu mo ngwalua tivarea tiua hoki na kabuiahu na kabu lakua. A mataniaho mana mahava raru mo dodoka kina kabuiahu hi mo ngwalua tina kwalu bua hi. #Jen 19.28; Eks 19.18 3Vunu a kakalu ramo ngwalua tina kabuiahu hini, ramo hivo vaki lo tano, a noga huirana eia hoki na kwari* bulai gelevu lalakua hinea rau hati haburu. #Eks 10.12,15 4A leo lakwara u viti kwara rana hatu vai hatihatiki na duvu, a vikai diko te rivurivu dolua vake. Vae rana vai hatihatiki na tangaloi kehekeheki, aira hinea a kaimatai noi God tikei lo raega. #Esik 9.4; Rev 7.3 5A kakalu vano hi i God he tirakinira tea kwara rana kwohi matematei na tangaloi vano hini, vae kehekeheki rana bete a kakadia lakwara a vula kailima. A kakadia hi a kakalu rana betea lakwara ne hoki na kakadia hinea a tangaloi mo rongoa kina matailivo na kwari bulai gelevu hati hinea mo katia. 6Lolo taroki hi a vula kailima a tangaloi aira vano hi vae rana toko soro haro na hala na mateana, vae ranahe hagwe lavia te vohoki. Rana lengaia haburu kwara rana mate, vae a mateana hi ne va tikei tiura, ranahe hagwea tea. #Job 3.21; Jer 8.3; Hos 10.8; Luk 23.30; Rev 6.16
7A kakalu vano hi aira hoki na osi hinea rau rarai kwara rana vano vaki lolo vuro. A kinau lo gwatuga u hoki na kaikwokwori na gwatu nona hugwe lakua rau kihira kina kol. Vunu a nakoga u hoki na nako na tangaloi. #Joel 2.4,5 8A vuluga u hoki na vulu na ravavine, a livoga rau hoki na livo na laeon. #Joel 1.6 9A gwagwaga u kukwere kina kinau hoki na lugwa aean hinea ramo toko lugwaki lolo vuro kwara ne tu koro na venevene. Vunu a roro na kabaga u hoki na roro na kat rusa hinea a osi ramo toko reve ramo kwalao viviseu kwara rana vano huri vuro. #Joel 2.5 10A livoga eia lo gerega rau tuku kakati kinia hoki na livo na gere na kwari bulai gelevu lakua hinea u hati haburu. A huirana eia lo gerega vano hini kwara rana vai kadi na tangaloi kinira a vula kailima. 11A noga hugwe lakua eia u hugwe korora, aia hi a kaihora mo taga koro na kwalu bua hi. A hinana, a gwaloana noi Isrel* rau kwarekinia kwara Abadon. A ngwera Gris rau vitia kwara Avolion. A domiana na hina hi kwara, “A tangaloi hinea u vai magaraki na kinau doluaki.”
12Aia hi a rongoana hati haburu tomua halaradu u rovo ba. Vunu kairua vake i rarua radu nga.
A kaihora lolo taetae kaionoki u horoki na bulana tavui
13Hikani a kaihora lolo taetae kaionoki mo horoki na bulana tavui. Hika nomo rongo na dilao u vanamai vataha na ngwahuku na voda hi rau kihia kina kol, mo tu koro na nako i God. #9.13: Lo duviki kairuaki na ves hi aira Kwalaha rau viti kwara, Hika nomo rongo na dilo u vanamai vataha na ngwahuku na kwotakwota hi rau kihia kina kol, mo tu koro na nako i God. #Eks 30.1-3; Rev 8.3 14A dilao hini mo viti lakwa na kaihora lolo taetae hi kaionoki, aia hi mo hagovi na bulana tavui, kwara “Ko teri tiraki na kaihora kaivati aira hinea rau gwarubibira ba lo kwai lakua Iuvretes.” 15Hikani mo teri tiraki na kaihora vano hi kaivati. A kaihora vano hi rau rarai ba tuai, rau hugu tara na taroki bakotoki lo rani hi, lo vula hi, lo hukao hi vohoki, kwara rana kwohi matematei na tangaloi gwatu katukwale letiu tiura doluaki lo varamana, gwatu kairua rana hugu. #Rev 8.7-12 16Hikani nomo rongo na valuvalu na noga tangaloi na vuro doluaki aira hi ramo toko hugu lo osi, rau tari mulemule vakavidolua-vakairua. 17Vunu lolo nogu vakatabobo nu tagai na osi rusa mana tangaloiki hini ramo toko kwalao luga. A lugwaga a kaitukoro na venevene, rau kara hoki na kabu, vunu rau kesana dodoka hoki na vatu kesana hinea u kwareki a savaea* diko hoki na tahi, vunu rau angora hoki na vuikani #9.17: Vuikani. Kona taga lo Deksenare lo buku hika takuni.. A gwatu na osi vano hi rau hoki na gwatu na laeon, vunu a kabu, a kabuiahu, a vuikani, rau tuku ngwalua tina kwakwaga. 18Hikani a rongoana hati haburu hi kaitolu aira hi a kabu, a kabuiahu, a vuikani, ramo toko ngwalua tina kwakwa na osi vano hi, ramo kwohi matematei na tangaloi gwatu katukwale letiu, gwatu kairua raru hugu. 19A huirana nona osi vano hi aia lolo kwakwaga, vake lolo kologa, huri a kologa rau hoki na ngwata, a gwatuga eia, vae ramo toko vai kadi na tangaloi kinira.
20Vae a tangaloi ratuaki, aira hinea rahe mate te kina rongoana hati haburu vano hi, rahe bohi te tina kinau hi ramo toko vai. Rau kaluhaki na takaro vuroki radu nga hinea ramo kihi dedekinira kina kol, a silva, a bras, a vatu mana vikai. Vae a takaro vuroki vano hi rahe tagataga lai tea, rahe rongorongo lai tea, rahe lakalakao lai tea, vae a tangaloi vano hi rahe tirakinira tea. #a Dut 32.17; 1 Kor 10.19-20; b Sam 115.4-7; 135.15-17; Dan 5.23 21Vake rahe bohi tea tina noga vaivai hati, vae rau ua mate tangaloi, rau vai novo, rau vai doridori hati, rau babalu radu nga. #Rev 16.9,11,21
Currently Selected:
REVELESEN 9: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
