REVELESEN 21
21
A taetae karagwa mana varamana karagwa
1Hikani nomo tagai na taetae karagwa mana varamana karagwa. A taetae tomua mana varamana tomua raru mo titikeiki, vae a karata tikei. #Aes 65.17; 66.22; 2 Pita 3.13 2Vunu nomo tagai na Gwatuivanua Kokona Lakua, aia hi a vanua Serusalem karagwa. Mo hivo vanamai ti God tina taetae, u raraiana u rovo ba, u taritarisa hoki na vavine hinea kwara ne laki, ramo vakavulae mo karea kwara ne bulu mai tuana ngwarasea. #a Aes 52.1; b Rev 3.12; d Aes 61.10; Hib 11.10,16 3Hikani nomo rongo na dilao mo tatangi vanamai tina hagehagele i God, mo kware karakara mo viti “I God u vai tatana mana tangaloi. Vae ne hugu maira tigwaravu, rana kwareki a bulana tangaloi. I God sibona ne bulu maira, ne kwareki a noga God. #Lev 26.11-12; 2 Kron 6.18; Esik 37.27; Sek 2.10; 2 Kor 6.16 4Aia ne kwasuki na mega tinangi savia tina mataga. Vae hikani a mateana ne tikei, vake hete tangaloi kwara ne tangihi na mateana. Hete tangaloi kwara ne tangi diko ne rongo hati lo tarabehina, huri a kinau vano hi tuai rau rovo ba.” #a Aes 25.8; Rev 7.17; b Aes 35.10; 65.19
5Hikani a tangaloi hi mo hugu lo hagehagelena mo kwaha mo viti “!Hikani nu vai na kinau savia rau karagwa!” Mo viti lakweau taliku kwara, “Ko uli na leo hika huri a leogu u bakoto, a tangaloi savia rana hauhuri lai luna.” #a 1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.1,7,13; 6.16; 7.10,15; 19.4; b 2 Kor 5.17 6Vake u viti “!Hikani u rovo! I nau a Gwatakiki, i nau a Gwereki. I nau nu tinakaki na kinau savia, vunu na gweregwereira. A tangaloi hinea u madoku, vae na bete na kwai lakwae vuroki, hete kwara ne voli, u vanamai tina kwai mauri na ahiana. #a Rev 1.8; 22.13; b Aes 44.6; 48.12; Rev 1.17; 22.13; d Aes 55.1; Sione 7.37; Rev 22.17; e Sam 36.9; Jer 2.13 7A tangaloi hinea u gui na hatiki ne lavi na tulikileo hika tiau. I nau na kwareki a nona God, vake aia ne kwareki i natugu. #2 Saml 7.14 8Vae a nogu tulikileo vake u eno lakwa na tangaloi hinea rau matamataku, vake lakwa na tangaloi hinea rau bohibohi leo, mana tangaloi hinea rau vai doridori rahe karea tea. A tulikileo hi u eno vake lakwa na tangaloi uamate tangaloi, mana tangaloi hinea rau vai doridori hati mana ravavine, mana tangaloi hinea rau vai a novo, vake mana tangaloi hinea rau tiutangaroa lakwa na takaro vuroki. U eno vake lakwa na tangaloi kurakura. A nogu tulikileo lakwara aia hika. A tangaloi vano hi a tanotanoga eia u eno. Rana vano tilolo kwalu hinea a kabu lakua mana vuikani* raru mo sea eia, aia hi a mateana vakairuaki.” #a Aes 30.33; Mat 25.41; Rev 19.20; 20.10,15; b Jen 19.24; Sam 11.6; Esik 38.22; Rev 19.20
A gwatuivanua Serusalem karagwa
9Hikani a kaihora tina taetae katukwale u vanamai. Aia katukwale tiura hi kaibitu hinea tomua rau hagovi na laha kaibitu rau kukwere kina rongoana hati lalakua kaibitu, aira hi a rongoana hati lalakua ki rovonaki vohoki. Mo kwaha maiau mo viti kwara, “Mai, ko vanamai. Na vosangiko kina vavine aia hi a vavinehi na Sivsivi* Kelekele hinea ramo taubibia kwara ne laki maia.” 10A Tanungwe Kokona mo hivo tilugu, a nona huirana mo kwiribibiau, vae a kaihora tina taetae mo laviau tagaulu vaki lo vuhunge na vuti lakua katukwale hinea u tu aulu karakara. Mo vosangiau kina gwatuivanua Serusalem, aia hi a Gwatuivanua Kokona Lakua mo hivo vanamai ti God tina taetae. #Esik 40.2 11A gwatuivanua lakua hi u vilavila kina hahaviada noi God, u vilavila hoki na vatu karekarea, hoki na sasva*, u ngwasara vohoki hoki na gelas hinea u vilavila. #Aes 60.1,2,19 12A titibaki hinea u tu tagaulu, u kwalao dali na gwatuivanua lakua hi, vake a matakihalaki hangavulu dongwana kairua. Vunu a kaihora tina taetae hangavulu dongwana kairua rau tagahuri na matakihala vano hi. Lo matakihala vano hi rau uli na hina na gwatuidamu hangavulu dongwana kairua nona gwaloana noi Isrel*. #Eks 28.21; Esik 48.30-35 13A gwatuivanua lakua hi, a ngwararaki kaivati, a matakihalaki kaitolu kehe nga. Luna hi vanamai mahuku ahake vovohi na mataniaho giri a matakihalaki kaitolu, vunu vanamai ahake mabeo kaitolu, vunu vanamai ahivo mahuku kaitolu, vunu rovonaki vanamai mabeo ahivo vovohi na mataniaho soro a matakihalaki kaitolu. 14A titiba na gwatuivanua lakua hi u tu lo vatu lalakua hangavulu dongwana kairua. Rau uli na hina na kaihora* kokona hangavulu dongwana kairua nona Sivsivi Kelekele, katukwale kehe nga lo vatu vano hi.
15A kaihora tina taetae hinea mo kwaha maiau u hagovi na kaidumu rau kihia kina kol, kwara ne dumuki na gwatuivanua lakua hi kwara u lakua diko u gwaravu hoki na havakinau, vunu a matakihalaki mana titibaki vake. #Esik 40.3,5 16Mo tagaia u bakoto vohoki u taritarisa, a gwaravuki mana lakuaki raru taritarisa. A kaihora tina taetae hi mo dumuki na gwatuivanua lakua hi kina nona kaidumu, mo hagwe na gwaravuki statia* u tari vakahangavulu-dongwana-kairua. Vunu a lakuaki maia hi u tu tagaulu u taritarisa hoki na gwaravuki. #Esik 48.16,17 17A kaihora tina taetae hi mo dumuki na titibaki vake, mo hagwea a kiubit* u vidolua eviki ngavu kaivati dongwaki kaivati, aia hoki na ngava ngavu kaitolu dongwaki kaiono hinea u tu tagaulu. A kaidumu hi a kaihora tina taetae mo dumudumu kinia aia hoki na kaidumu hinea a tangaloi ramo toko dumudumu kinia tigwaravu. 18A titiba na gwatuivanua lakua hi, rau kihia kina vatu karekarea lalakua hi a sasva, vunu a gwatuivanua lakua hi rau kihia kina kol hinea u ngwasara vohoki, u vilavila hoki na gelas. 19A tutu na titiba na gwatuivanua lakua hi, aira hi a vatu lalakua, rau vakavulara kina vatu mataroi rau karekarea. A tutu hi tomuaki rau vakavulae kina vatu hi a sasva. Kairuaki rau vakavulae kina vatu hi a savaea*. Kaitoluki rau vakavulae kina vatu hi a akat*. Vunu kaivatiki rau vakavulae kina vatu hi a emeral*. #Aes 54.11-12 20Kailimaki rau vakavulae kina vatu hi a onikis*. Kaionoki rau vakavulae kina vatu hi a kanelian*. Kaibituki rau vakavulae kina vatu hi a kwos angora*. Kaikwaluki rau vakavulae kina vatu hi a malakaet*. Vunu kaihikwaki rau vakavulae kina vatu hi a tovas*. Hangavuluki rau vakavulae kina vatu hi a kalsetoni*. Hangavulu dongwaki katukwale rau vakavulae kina vatu hi a takwoes. Vunu hangavulu dongwaki kairua rau vakavulae kina vatu hi a ametis*. 21A katama na titiba hi hangavulu dongwana kairua katukwale kehe nga rau kihira kina perel*. Vunu a hala lolo gwatuivanua lakua hi rau kihira kina kol hinea u ngwasara vohoki, u vilavila hoki na gelas.
22Nahe tagai na Ingwa Kokona te noi God lolo gwatuivanua lakua hi, huri a Hugwe i God hinea u hago huirana lo kinau savia, mana Sivsivi Kelekele, i rarua vunu hoki na Ingwa Kokona luna. #Amos 3.13; 4.13; Rev 1.8; 4.8; 11.17; 15.3; 16.7,14; 19.6,15 23Lo gwatuivanua lakua hi a tangaloi rahe domi huri na mataniaho te mana vula kwara raru ne kwaka tiluga, huri a hahaviada noi God u kwaka tiluga, vake a Sivsivi Kelekele hi aia a noga laeti. #Aes 60.19-20; Rev 22.5 24A tangaloi na ureure savia lo varamana rana lakalakao kina nona vavarama, vake a hugwe lalakua koro na varamana rana kwali noga kinau karekarea, rana vanamai rana tau tilolona. #Aes 60.3,5 25A matakihala na gwatuivanua lakua hi rana kwakwanga tigwaravu doluaki na rani. Ranahe vono te vohoki, huri a bongi ne tikei eia. #a Aes 60.11; b Sek 14.7; Rev 22.5 26Vae a tangaloi na ureure savia lo varamana rana lai noga kinau karekarea mana kinau hahaburuka savia, rana lavira tilolo gwatuivanua hi. #Sam 72.10-11 27Vae savi na kinau hinea rahe ngwasara te lolo nako i God, mana tangaloi savia hinea rau tuku vai na maemaeana, mana kurakura, a tangaloi aira vano hi ranahe soro lai te vaki lolo gwatuivanua lakua hi. Vae a tangaloi aira hi a hinaga rau uliana lo buku* na ahiana nona Sivsivi Kelekele rana soro lai tilolona. #a Aes 52.1; 1 Kor 6.9-10; 2 Pita 3.13; Rev 22.15; b Eks 32.32,33; Sam 69.28; Dan 12.1; Vil 4.3; Rev 3.5; 13.8; 17.8; 20.12,15
Currently Selected:
REVELESEN 21: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
