REVELESEN 22
22
1Hikani a kaihora tina taetae mo vosangiau kina kwai lakua. A kwai hi u huki, aia a kwai na ahiana. A kwai hi u vilavila hoki na gelas ngwasara vohoki, u vanamai tina hagehagele i God, mana bulana Sivsivi Kelekele, #Esik 47.1; Joel 3.18; Sek 14.8 2mo huki tegetano lo livuka na hala lakua na gwatuivanua lakua hi. Lo ngwarara na kwai hi tavaluki tavaluki a vikai rau tu, aira hi a vikai na ahiana, rau tuku kwai vakahangavulu dongwana kairua lo hukao katukwale, hokinia lo vula katukwale rau kwai vakatukwale. Vunu a rauga rana vakahiki na tangaloi na ureure savia lo varamana. #Jen 2.9; 3.22; Esik 47.12 3Lolo gwatuivanua lakua hi, a kinau tikei vohoki kwara u hati hinea a tangaroa hati noi God mo eno luna.
A hagehagele i God mana Sivsivi Kelekele hi aia takwa-hi lolo gwatuivanua lakua hi, vake a bulana tangaloi boloki rana sovi hivo vovohia, rana lai noga mavakiana lakwae. #Sek 14.11 4Rana tagai na nako i God, vae ne uli na hinana lo raega. #a Sam 17.15; 42.2; Mat 5.8; b Rev 3.12 5Takwa-hi vae a bongi ne tikei, vake ranahe lengai na laeti tea diko te aho, huri a Hugwe i God ne kwareki a noga laeti, vake aira rana kwareki a hugwe lalakua vaki tuai, a gwereki tikei. #a Sek 14.7; Rev 21.25; b Aes 60.19-20; Rev 21.23; d Dan 7.18,27; Rev 5.10; 20.6
I Jisas ne mulemai
6Hikani a kaihora tina taetae mo viti lakweau kwara, “A leo vano hikani rau kareaki, kona hauhuri lai luga. A Hugwe i God hinea mo bete na Tanungwe Kokona lakwa na tangaloi* duruduruki, u horeau, i nau a nona kaihora tina taetae kwara na vosangi na bulana tangaloi maira kina kinau savia hinea vae nehe tuai te rana mule luna.” #Dan 2.28,29,45; Rev 1.1,19
7Hikani i Jisas mo kwaha mo viti “!Tulu rongo! I nau vae nehe tuai tea na maravuti. A tangaloi hinea rau rongohuri na leo vano hi i God mo vitira hinea rau durukiana lo buku* hika ne havutira.” #Rev 2.16; 3.11; 22.12,20
8I nau i Sione, nu rongo savi na kinau vano hi, nomo tagaira. Lolona nomo tagaira mo rovo, vunu nomo sovi hivo mana garu na kaihora tina taetae hinea mo vosangiau kina kinau vano hi, kwara na lai nogu mavakiana lakwae. #Bol 10.25-26; Rev 19.10 9Vae mo viti lakweau kwara, “!Hetea, ko hatu vai hokinia! I kitarua vunu a tangaloi boloki noi God, i ratuamu vake hinea a tangaloi duruduruki, maira hi ramo rongohuri na leo lo buku hika. Ko sovi hivo vovohi God, ko lai nomu mavakiana lakwae kehekeheki.” 10Mo kwaha maiau taliku mo viti “Ko hatu tavuniki na leo i God hinea mo vitira lakwako hinea ramo durukiana lo buku hika, huri vae nehe tuai tea a kinau vano hi savira rana kworo ne asa. #a Dan 12.4; b Rev 1.3 11Aira hi a doridoriga rau hati, vae rana toko va vai na kinau hinea rau hati kehe nga, vunu vake aira hi a doridoriga rau hogora, vae rana toko va vai na kinau hinea rau hogora kehe nga. Aira hi a doridoriga rau karea, vae rana toko va vai na kinau hinea rau karea kehe nga, vunu vake aira hi a doridoriga rau ngwasara, vae rana toko va vai na kinau hinea rau ngwasara kehe nga.”
12I Jisas mo kwaha taliku mo viti “!Ko rongo! Nehe tuai tea na maravuti. Vae na lavi na kaivoli na tangaloi, na bete lakwara katukwale kehe nga ne taritarisa lo doridoriga hinea ramo vai. #a Rev 2.16; 3.11; 22.7,20; b Aes 40.10; 62.11; d Sam 28.4; 62.12; Prov 24.12; Aes 59.18; Jer 17.10; Rom 2.6; 1 Kor 3.8; 2 Kor 11.15; 2 Tim 4.14; 1 Pita 1.17; Rev 2.23; 18.6; 20.13,14 13I nau a Gwatakiki, i nau a Gwereki. I nau a tangaloi tomua halaradu vunu i nau a tangaloi ki rovonaki. I nau nu tinakaki na kinau savia, vunu na gweregwereira.” #a Rev 1.8; 21.6; b Aes 44.6; 48.12; Rev 1.17; 2.8; d Rev 21.6
14Aira hi rau tuku kwasu lugwaga rau ngwasara, vae ne havutira. U taritarisa lakwara kwara rana kani a kwai na vikai na ahiana hi, vae rana soro lai lo matakihala na gwatuivanua lakua hi. #Jen 2.9; 3.22; Esik 47.12; Rev 22.2,19 15Vae a tangaloi ratuaki vake ranahe soro lai tea. Aira hi rau tuku vai na maemaeana, aira hi rau tuku vaivai novo hati, vunu aira hi rau tuku vaivai hati mana ravavine, mana ravavine hinea rau tuku vaivai hati mana ngwera, ranahe soro lai tea. Vake aira hi rau uaua mate tangaloi, maira hi rau tiutangaroa lakwa na takaro vuroki maira, vunu vake aira hi rau kurakura lo leoga mana doridoriga, vae ranahe soro lai tea. #1 Kor 6.9-10; Rev 21.8,27
16“I nau i Jisas, nu hora na nogu kaihora tina taetae kwara ne viti na kinau vano hi lakwakamu lolo kwarelua* savia. I nau a vakabela lui Devit, aia i tubugu tuai. I nau a vitu hi, a ngwasoe na rovobongi hinea mo kwaka sea.” #a Aes 11.1,10; Rom 1.3; Rev 5.5; b Nam 24.17; Rev 2.28
17A Tanungwe Kokona hi mana Vavine na Lakiana noi Kraes #22.17: A Vavine na Lakiana noi Kraes. Kona taga na domikiana na leo hi lo savta 19.7 lo leo hinea lo rau evina halaradu. raru viti “Mai, ko vanamai.” Aira vunu hinea rau rongo na leo hika, vae rana viti vake kwara “!Ko vanamai!”
I kamu hi tulu madoku, tulu vanamai. I kamu hinea tulu lengaia, tulu ne lavi na kwai na ahiana hinea u kwareki a hokohoko lakwakamu. #Aes 55.1; Sione 7.37; Rev 21.6
A leo rovonaki
18I nau i Sione, nu kwaha u madi kwara na vakarada na tangaloi hinea ramo rongo na leo hinea i God mo vitira lo buku* hika. Diko te tangaloi ne hoke te leo tilo leo na buku hika, i God ne hoke na nona kakadiana kina rongoana hati lalakua hinea a buku hika mo viti hurira. #Dut 4.2; 12.32 19Vunu vake diko te tangaloi ne lai leletiuki na leo hinea i God mo vitira hinea rau eno lo buku hika, vae i God ne lai letiuki na kwai na vikai na ahiana hi tiua, mana tanotano hi lo Gwatuivanua Kokona Lakua hinea a buku hika mo viti hurira. #Jen 2.9; 3.22; Esik 47.12; Rev 22.2,14
20Aia hi u hago leo lo kinau vano hi savia u viti “Io kareaki, nehe tuai tea na maravuti.”
Ne mule luna. !Hugwe* Jisas, ko vanamai! #Rev 2.16; 3.11; 22.7,12
21A tangaroa karea hika. A domi tabetabe lakua nona Hugwe i Jisas ne eno mana tangaloi savia.
Currently Selected:
REVELESEN 22: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
