REVELESEN 20
20
I Kraes mana nona tangaloi rau hugwe koro na varamana a hukao u tari
1Hikani nomo tagai na kaihora tina taetae mo vanamai tina taetae, u hagovi na ki na kwalu bua hinea a kwotoki tikei, mana seni lakua. 2Hikani mo kwiribibi na alkita lakua, aia hi a ngwata tuai, hinea a hinana i “Setano*” diko “A Tangaloi Vai Bulabula”. Mo gwarua kina seni lakua hi, kwara ne hugu kwehi a hukao u tari. #Rev 12.9 3Vunu a kaihora tina taetae hi mo vohokinia tilolo kwalu bua hinea a kwotoki tikei, mo valiseki-bibi na katamaki. Mo bulubibia kwara vae a tangaloi nehe takahi lavia tea, kwara a alkita hi ne hatu sinasina na tangaloi taliku vae tarisaki a hukao tari ne rovo. A hukao tari ne rovo, vunu a alkita hika ne ngwalua, mo materi, mo lagalaga taliku, vae nehe tuai tea. #2 Pita 2.4; Sut 6
4Hikani nomo tagai na hagehagele hoki na hagehagele na hugwe lalakua, a tangaloi ramo hugu luga. I God u bete huirana lakwara kwara rana kwaheki na doridori na tangaloi. Vake nomo tagai na tanungwe na tangaloi hinea ramo tai utuutu gwatuga tuai, huri ramo viti huri na kareaki hinea i Jisas mo matangwasarakinia, mana leo i God. A tangaloi vano hi rahe sovi hivo tea vovohi na boboroa ovi hi mana nununa hinea a tangaloi ramo tai dedekinia kwara rana lai noga mavakiana lakwae, vunu vake a kaimatai na boboroa ovi hi tikei lo nakoga mana kabaga. Hikani ramo ahi taliku, ramo bulu mai Kraes, ramo kwareki a hugwe lalakua maia a hukao u tari. #a Dan 7.9,22,27; Luk 22.30; 1 Kor 6.2; b Rev 13.17; 14.9,11; 16.2; 19.20
5A mateana ratuaki rahe ahi te taliku vae tarisaki hi a hukao u tari ne rovo. Hikani a taro na marakaana tina mateana tomua halaradu. 6Aira hi rana maraka taliku tina mateana tomua halaradu ne havutira. I God ne tabera huri a mateana vakairuaki a nona huirana tikei korora. Vae aira rana kwareki a tangaloi* lingilingi noi God vake noi Kraes, vae rana bulu mai Kraes rana kwareki a hugwe lalakua maia a hukao u tari. #Eks 19.6; Aes 61.6; 1 Pita 2.5,9; Rev 1.6; 5.10
I God ne gui Setano
7A hukao u tari ne rovo, vunu rana tiraki Setano* ne ngwalua tina kwalu bua hinea ramo gwarua eia. 8Hikani vae ne vano laliki ne sinasina na tangaloi lo ureure rusa lo varamana, aira hi a tangaloi Gok mana tangaloi Magok. Vae i Setano ne lai tabulutakinira rana rusa hoki na one na tahi, kwara rana vai vuro vovohi na tangaloi noi God. #a Esik 7.2; b Esik 38.2 9Hikani lo vakatabobo hi nomo taga kwara a tangaloi vano hi ramo hivo dalidali ramo tu kakavuki na varamana. Ramo tu dalidali na tanotano hinea a tangaloi na vuro noi God ramo hugu eia, vunu vake dalidali na gwatuivanua lakua hinea i God u lagwa maia haburu. Vae hikani a kabu mo ngwalua vanamai tina taetae, mo kaokaora. #2 King 1.10; Esik 38.22; 39.6 10Hikani i Setano, aia hi mo sinara, a kaihora lolo taetae u vohokinia tilolo kwalu lakua na kabu mana vuikani* hinea u seasea gwaravu. Lo kwalu hi a boboroa ovi hi mana tangaloi duruduruki kurakura raru mo hugu eia. Lo tanotano hi, u rani u bongi, vae rana rongo hati haburu tigwaravu kina kabu vaki tuai, a gwereki tikei. #a Aes 30.33; Rev 19.20; 20.15; b Jen 19.24; Sam 11.6; Esik 38.22; Rev 19.20; 21.8
A Rani na Kwahekiana Rovonaki
11Hikani nomo tagai na hagehagele lakua u lotu, a Tangaloi #20.11: A Tangaloi. Kona taga na domikiana na leo hi lo savta 4.2 lo leo hinea lo rau evina halaradu. katukwale u hugu luna. A varamana mana taetae raru mo titikeiki lo nako na Tangaloi hi, a tangaloi rahe tagairarua te taliku. #Sam 114.3,7 #Dan 7.9-10; Mat 25.31-46 12Hikani nomo tagai na tangaloi rau mate, aira hi a tangaloi lalakua mana tangaloi haro nga ramo tu lo nako na Tangaloi hi mo hugu lo hagehagelena. Mo vukeri na buku* maira, mana buku katukwale vake hinea a hina na tangaloi rau ahi ramo eno luna. Vunu a Tangaloi hi mo kwaheki na doridori na tangaloi vano hi rau mate huri na doridori hi ramo toko vai tuai, aira hi rau eno lo buku vano hi. #Eks 32.32,33; Sam 69.28; Dan 12.1; Vil 4.3; Rev 3.5; 13.8; 17.8; 20.15; 21.27 #Sam 28.4; 62.12; Prov 24.12; Aes 59.18; Jer 17.10; Rom 2.6; 1 Kor 3.8; 2 Kor 11.15; 2 Tim 4.14; 1 Pita 1.17; Rev 2.23; 18.6; 22.12 13A tangaloi hinea rau mate lolo karata ramo vanamai. Vake a tangaloi vunuhia hinea rau mate ramo vanamai. A mateana mana tanotano na tanungwe na tangaloi hinea rau mate raru he kwiribibi lavira tea. A tangaloi aira vunu ramo tiraki na tanotanoga ramo vanamai. Vae a Tangaloi hi mo kwaheki na doridori na tangaloi vano hi rau mate huri na doridori hi ramo toko vai tuai. 14Vunu a mateana mo rovo. A mateana mana tanotano na tanungwe na tangaloi hinea rau mate, vae a kaihora lolo taetae mo vohokirarua tilolo kwalu na kabu sea. A kwalu na kabu sea hi aia a mateana vakairuaki. #1 Kor 15.26,55 15Vae aira hi a hinaga tikei lo buku na ahiana, a kaihora lolo taetae hi mo vohokinira tilolo kwalu na kabu sea. #a Aes 30.33; Mat 25.41; Rev 19.20; 20.10; 21.8; b Eks 32.32,33; Sam 69.28; Dan 12.1; Vil 4.3; Rev 3.5; 13.8; 17.8; 20.12; 21.27
Currently Selected:
REVELESEN 20: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
