Popular Bible Verses from REVELESEN 21

Share

Aia ne kwasuki na mega tinangi savia tina mataga. Vae hikani a mateana ne tikei, vake hete tangaloi kwara ne tangihi na mateana. Hete tangaloi kwara ne tangi diko ne rongo hati lo tarabehina, huri a kinau vano hi tuai rau rovo ba.”

Hikani a tangaloi hi mo hugu lo hagehagelena mo kwaha mo viti “!Hikani nu vai na kinau savia rau karagwa!” Mo viti lakweau taliku kwara, “Ko uli na leo hika huri a leogu u bakoto, a tangaloi savia rana hauhuri lai luna.”

Hikani nomo rongo na dilao mo tatangi vanamai tina hagehagele i God, mo kware karakara mo viti “I God u vai tatana mana tangaloi. Vae ne hugu maira tigwaravu, rana kwareki a bulana tangaloi. I God sibona ne bulu maira, ne kwareki a noga God.

Vake u viti “!Hikani u rovo! I nau a Gwatakiki, i nau a Gwereki. I nau nu tinakaki na kinau savia, vunu na gweregwereira. A tangaloi hinea u madoku, vae na bete na kwai lakwae vuroki, hete kwara ne voli, u vanamai tina kwai mauri na ahiana.

A tangaloi hinea u gui na hatiki ne lavi na tulikileo hika tiau. I nau na kwareki a nona God, vake aia ne kwareki i natugu.

Vae a nogu tulikileo vake u eno lakwa na tangaloi hinea rau matamataku, vake lakwa na tangaloi hinea rau bohibohi leo, mana tangaloi hinea rau vai doridori rahe karea tea. A tulikileo hi u eno vake lakwa na tangaloi uamate tangaloi, mana tangaloi hinea rau vai doridori hati mana ravavine, mana tangaloi hinea rau vai a novo, vake mana tangaloi hinea rau tiutangaroa lakwa na takaro vuroki. U eno vake lakwa na tangaloi kurakura. A nogu tulikileo lakwara aia hika. A tangaloi vano hi a tanotanoga eia u eno. Rana vano tilolo kwalu hinea a kabu lakua mana vuikani* raru mo sea eia, aia hi a mateana vakairuaki.”

Hikani nomo tagai na taetae karagwa mana varamana karagwa. A taetae tomua mana varamana tomua raru mo titikeiki, vae a karata tikei.

Vunu nomo tagai na Gwatuivanua Kokona Lakua, aia hi a vanua Serusalem karagwa. Mo hivo vanamai ti God tina taetae, u raraiana u rovo ba, u taritarisa hoki na vavine hinea kwara ne laki, ramo vakavulae mo karea kwara ne bulu mai tuana ngwarasea.

Lo gwatuivanua lakua hi a tangaloi rahe domi huri na mataniaho te mana vula kwara raru ne kwaka tiluga, huri a hahaviada noi God u kwaka tiluga, vake a Sivsivi Kelekele hi aia a noga laeti. A tangaloi na ureure savia lo varamana rana lakalakao kina nona vavarama, vake a hugwe lalakua koro na varamana rana kwali noga kinau karekarea, rana vanamai rana tau tilolona.