REVELESEN 16

1Hikani nomo rongo na dilao mo ngwalua tina Tanotano Kokona Karakara, mo tangi mo viti lakwa na kaihora kaibitu hi lolo taetae kwara, “Tulu vano, tulu didihi na lologute noi God tina laha hi kaibitu tilo varamana.” #Aes 66.6; Rev 16.7; Sam 69.24; Jer 10.25; Esik 22.31; Sef 3.8

2Hikani a kaihora tina taetae tomuaki mo vano mo didihi na kinau lolo nona laha tilo varamana. Aira hi a kaimatai na boboroa ovi hi luga, vake aira hi ramo sovi hivo vovohi na nununa hi ramo tai dedekinia, ramo lai noga mavakiana lakwae, vae ramo kovikovia kina kovi hati lo tarabehiga, ramo rongo hati kinira. #a Eks 9.10; Dut 28.35; b Rev 13.17; 14.9,11; 19.20; 20.4; d Rev 13.12-17; 14.9,11; 19.20

3Hikani a kaihora tina taetae kairuaki mo vano mo didihi na kinau lolo nona laha tilolo karata. Vunu a karata hi mo mulemai hoki na dai na tangaloi u mate, vatavataha na kinau mauri lolo karata rau mate. #Eks 7.17-21

4Hikani a kaihora tina taetae kaitoluki mo vano mo didihi na kinau lolo nona laha tilolo kwai huki mana kwai mauri, vae ramo mule ki dai. #Eks 7.19-24; Sam 78.44 5Vunu nomo rongo na kaihora tina taetae hi u kwareki a kaitagahuri na kwai, mo viti

“Hugwe i God.

I nigo i Tatoka,

ku toka hika karagwa,

vae ku toka tuai ba.

I nigo hi ku kokona.

Komo vai kadira

kina nomu sanguniana hokinia hi,

ku vai u taritarisa. #a Eks 3.14; Rev 1.4,8; 4.8; 11.17; b Sam 119.137; 145.17; Dut 32.4

6Ramo vai na dai na tangaloi noi God ramo huki.

Ramo vai na dai na tangaloi* duruduruki ramo huki.

Hikani ku bete na dai lakwara

kwara rana inu.

Hikani a kaitakwega u taritarisa.” #a Sam 79.3; b Aes 49.26

7Vunu nomo rongo na dilao mo tatangi vanamai tina voda, #16.7: Lo duviki tomuaki na ves hi aira Kwalaha rau viti kwara, Vunu nomo rongo na dilo mo tatangi vanamai tina kwotakwota mo viti kwara,

“Hugwe i God.

I nigo ku hago huirana lo kinau savia.

Kareaki a nomu sanguniana

rau bakoto, rau taritarisa vohoki.” #a Amos 3.13; 4.13; Rev 1.8; 4.8; 11.17; 15.3; 16.14; 19.6,15; 21.22; b Sam 19.9; 119.137; Rev 19.2

8Hikani a kaihora tina taetae kaivatiki mo didihi na kinau lolo nona laha tilo mataniaho. Vunu i God mo tiraki na mataniaho mo aho mo ngwangwavi mo kao na tangaloi savia, a tarabehiga ramo manokanoka. 9A tangaloi ramo kao kina ngwangwavia hati na mataniaho, ramo toko kwahakwaha hati vovohi God, hinea aia u hago huirana lo rongoana hati lalakua vano hika. Vae rahe halebohi tea tina noga doridori hati kwara rana tabe hakeki na hinana. #Rev 9.20-21; 16.11,21

10Hikani a kaihora tina taetae kailimaki mo vano mo didihi na kinau lolo nona laha tilo hagehagele na boboroa ovi hi. Vunu a dodo mo vanamai mo kalu korokoro na vanua savia hinea a boboroa ovi hi mo hugwe korora. A tangaloi savia ramo toko katikati meaga, huri a tarabehiga rau kadikadira haburu, #Eks 10.21; Aes 8.22 11ramo toko kwahakwaha hati vovohi God hi lolo taetae huri a tarabehiga rau kadikadira haburu, vake huri na koviga. Vae rahe halebohi tea tina noga doridori hati. #Rev 9.20-21; 16.9,21

12Hikani a kaihora tina taetae kaionoki mo vano mo didihi na kinau lolo nona laha tilolo kwai lakua a hinaki Iuvretes. A kwai lakua hi mo gweka, mo vai na hala na hugwe lalakua hinea rau hugu lo hala na mataniaho giri, rana vanamai. #Aes 11.15; 44.27; Jer 50.38; 51.36 13Hikani nomo tagai na tanungwe hati kaitolu hinea a domiga rau hogora, aira hoki na vuroki, katukwale u ngwalua tina kwakwa na alkita, katukwale u ngwalua tina kwakwa na boboroa ovi hi, katukwale u ngwalua tina kwakwa na tangaloi duruduruki kurakura. #16.13: A tangaloi duruduruki kurakura hi, aia a boboroa ovi kairuaki hi hinea u tuku sina na tangaloi. Kona taga lui 13.13-14 vunu 19.20 vunu 20.10. 14A tanungwe hati hi kaitolu rau hati haburu, a noga huirana eia kwara rana vai a kaivosangi lalakua. A tanungwe hati hi kaitolu ramo vano vaki mana hugwe lalakua lo vanua savia lo varamana, kwara rana lavira rana bulu katukwale kwara rana vai vuro lo Rani Lakua noi God #16.14: Lo Rani Lakua noi God. Kona taga A RANI NONA HUGWE lo Deksenare lo buku hika takuni. hi u hago huirana lo kinau savia. #a Rev 19.19; b Amos 3.13; 4.13; Rev 1.8; 4.8; 11.17; 15.3; 16.7; 19.6,15; 21.22

15I Jisas mo viti “!Tulu rongo! Vae na mulemai vaki maikamu hoki na tangaloi na babalua mo vanamai. A tangaloi hinea u tagahuri he teri te lugwana kwara ne maturu, ne havutia. Diko nehe tagahuri tea, ne lakao vuroki lolo nako na tangaloi vae ne maemae.” #Mat 24.43-44; Luk 12.39-40; 1 Tes 5.2,4; 2 Pita 3.10; Rev 3.3

16Hikani a tanungwe hi kaitolu ramo lavi na hugwe lalakua tabulutaki mana noga tangaloi vaki lo tanotano katukwale, a gwaloana noi Isrel* rau kwarekinia lo noga leo kwara, “Amaketon”, a domianaki kwara “A Vuti lakua Mekito.” #Jaj 5.19; 2 King 9.27; 23.29; Sek 12.11

17Hikani a kaihora tina taetae kaibituki mo vano mo didihi na kinau lolo nona laha tilo mahaleki. Vunu i God hinea u hugu lo hagehagelena lolo Tanotano Kokona Karakara, mo kwaha mo viti “!Hika u rovo!” #Aes 66.6; Rev 16.1 18Hikani mo vila, a gwatuhari mo hari, a kinau ramo vidumuki, mo ruru lakua. Lolona i God mo kihi na tangaloi tomua halaradu mo vano vaki na hika, vae he ruru te kwara u lakua hokinia hika. Mo ruru hika, a ruru u lakua silesileti na ruru ratuaki. #a Eks 19.16-19; Rev 4.5; 8.5; 11.19; b Dan 12.1 19A gwatuivanua lakua hi mo takwaka kaitolu, vake a gwatuivanua lalakua vataha na vanua ramo magarakiana. I God mo domihagwe na gwatuivanua lakua hi Babilon, mo vaia mo inumi na waen tina nona laha. A waen hika, hinea i God mo betea lakwae, aia a nona lologute lakua. #Sam 75.8; Aes 51.17,22; Jer 25.15; Rev 14.10; 15.7 20Hikani a vanua savia ramo dono, a vuti lalakua rau masurasura ramo titikeiki. #Rev 6.14; 20.11 21A uha mo uhaki na vatu na aes* ramo sovi tilo tangaloi savira. A mavuriki katukwale kehe u lakua haburu a mavana u taritarisa mana gilo ngavu kailima. Hikani a tangaloi savia, ramo kwahakwaha hati vovohi God, huri mo hokaki na rongoana hati lakua hi mo uhaki na vatu na aes ramo sovi tiluga, huri a rongoana hati hi u hati haburu lakwara. #a Eks 9.24; Rev 11.19; b Rev 16.9,11

Currently Selected:

REVELESEN 16: HWT

Highlight

Copy

Compare