Popular Bible Verses from REVELESEN 16

Share

I Jisas mo viti “!Tulu rongo! Vae na mulemai vaki maikamu hoki na tangaloi na babalua mo vanamai. A tangaloi hinea u tagahuri he teri te lugwana kwara ne maturu, ne havutia. Diko nehe tagahuri tea, ne lakao vuroki lolo nako na tangaloi vae ne maemae.”

Hikani a kaihora tina taetae kaionoki mo vano mo didihi na kinau lolo nona laha tilolo kwai lakua a hinaki Iuvretes. A kwai lakua hi mo gweka, mo vai na hala na hugwe lalakua hinea rau hugu lo hala na mataniaho giri, rana vanamai.

A tanungwe hati hi kaitolu rau hati haburu, a noga huirana eia kwara rana vai a kaivosangi lalakua. A tanungwe hati hi kaitolu ramo vano vaki mana hugwe lalakua lo vanua savia lo varamana, kwara rana lavira rana bulu katukwale kwara rana vai vuro lo Rani Lakua noi God hi u hago huirana lo kinau savia.

Hikani nomo tagai na tanungwe hati kaitolu hinea a domiga rau hogora, aira hoki na vuroki, katukwale u ngwalua tina kwakwa na alkita, katukwale u ngwalua tina kwakwa na boboroa ovi hi, katukwale u ngwalua tina kwakwa na tangaloi duruduruki kurakura.

A tangaloi ramo kao kina ngwangwavia hati na mataniaho, ramo toko kwahakwaha hati vovohi God, hinea aia u hago huirana lo rongoana hati lalakua vano hika. Vae rahe halebohi tea tina noga doridori hati kwara rana tabe hakeki na hinana.

Hikani a kaihora tina taetae tomuaki mo vano mo didihi na kinau lolo nona laha tilo varamana. Aira hi a kaimatai na boboroa ovi hi luga, vake aira hi ramo sovi hivo vovohi na nununa hi ramo tai dedekinia, ramo lai noga mavakiana lakwae, vae ramo kovikovia kina kovi hati lo tarabehiga, ramo rongo hati kinira.

Hikani a tanungwe hi kaitolu ramo lavi na hugwe lalakua tabulutaki mana noga tangaloi vaki lo tanotano katukwale, a gwaloana noi Isrel* rau kwarekinia lo noga leo kwara, “Amaketon”, a domianaki kwara “A Vuti lakua Mekito.”