REVELESEN 15
15
A tangaloi rau kahoki na bolo bulai Mosis mana Sivsivi Kelekele bulai God
1Hikani nomo tagai na kaimatai katukwale vake lolo taetae hinea u hahaburuka, nu idila haburu kinia. A kaihora tina taetae kaibitu ramo toko lavi na rongoana hati lalakua vanamai kaibitu. A rongoana hati lalakua vano hi kaibitu aira a rongoana hati lalakua ki rovonaki vohoki, vae lolona rana mule luna a lologute noi God ne rovo. #Lev 26.21; Rev 15.6
2Hikani nomo tagai na kinau hoki na vilavila na tahi, aia hoki na gelas u rokekiana mana kabu. Vunu nomo tagai na tangaloi vano hika aira hinea tomua ramo vai vuro mana boboroa ovi mana nununa, aia hi ramo tai dedekinia hinea a valuvaluna u matangwasaraki na hinana, vae rau guia u rovo ba. Ramo tu garagarani mana kinau hoki na vilavila na tahi hi aia hoki na gelas, rau hagovi na gita hinea i God mo betera lakwara. 3Rau tuku kahoki na bolo hinea a kaihora noi God i Mosis, mana Sivsivi* Kelekele raru mo kahokinia, hinea mo viti kwara,
“Hugwe i God.
I nigo ku hago huirana
lo kinau savia.
A nomu boloki rau lalakua
rau hahaburuka.
I nigo a Hugwe Lakua
koro na ureure savia.
A doridorimu rau bakoto,
rau kareaki. #a Eks 15.1; b Eks 15.11; Sam 92.5; 111.2; 139.14; d Amos 3.13; 4.13; Rev 1.8; 4.8; 11.17; 16.7,14; 19.6,15; 21.22; e Dut 32.4; Sam 145.17; g Jer 10.10
4Hugwe i God.
?Ihe hi nehe domi mavakinigo tea?
?Ihe hi nehe tabe hakeki na hinamu tea?
I nigo vohoki ku kokona.
Vae a tangaloi na ureure savia,
rana vanamai
rana lai noga mavakiana lakwako,
huri ku vosangi na nomu doridori bakoto u rovo ba
lakwa na tangaloi doluaki.” #a Jer 10.6-7; b Sam 86.9; Mal 1.11
A laha kaibitu rau kukwere kina lologute noi God
5Hikani lo vakatabobo hi i God u vosangia lakweau, nomo taga kwara lolo taetae ramo takahi na Tanotano Kokona Karakara lolo Ingwa Haleki hinea a tangaloi rau tuku vano eia kwara rana bulu mai God eia. #Eks 38.21; 40.34 6Hikani a kaihora lolo taetae hi kaibitu ramo lavi na rongoana hati lalakua hi kaibitu vanamai, rau ngwalua tina Tanotano Kokona Karakara hi. Rau lugwaki na lugwa lotu hinea rau ngwasara rau karea vohoki. A kwahiga a kol rau kwahikwahiki lo gwagwaga. #Lev 26.21; Rev 15.1 7Hikani a boboroa mauri hi kaivati, vae katukwale tiura mo bete na laha kaibitu rau kihira kina kol, lakwa na kaihora lolo taetae hi kaibitu. A laha vano hi rau kukwere kina lologute noi God aia hi i Tatoka, nehe mate lai tea. #Sam 75.8; Aes 51.17,22; Jer 25.15; Rev 14.10; 16.19 8Hikani a Tanotano Kokona Karakara u kabuahura kina hahaviada noi God, mana nona huirana. A tangaloi tikei kwara ne soro tilolo Tanotano Kokona Karakara, tarisaki hi a rongoana hati lalakua hi kaibitu, hinea a kaihora lolo taetae kaibitu rana lavira vanamai, ne rovo, vunu rana soro lai. #Eks 40.34; 1 King 8.10-11; 2 Kron 5.13-14; Aes 6.4; Esik 44.4
Currently Selected:
REVELESEN 15: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
