Ahẹ Ụgama 95
95
Ahẹ ana a jị gono Ohomorihi
1Vẹ nịnị yaa jị ahẹ ịrajẹ gono Ẹnẹyịmavara,
Vẹ yee nowuu hị́ ọza ana sị yị tẹ dị à yị nyị ịsị ẹ zụ kanyị yị.
Ọnị aa dọ yị tụ́ nị.
2À vẹ ya vẹ ịda anị dị yaa kụ́ ọ avọ,
di yee hú ịsa, dị yaa jị ahẹ kụ́ ọ.
3Ẹnẹyịmavara ọ vị Ohomorihi ene hu keekere nị,
Ọnị ọ vị ohinọyị ene huna avaba ori nị.
4Ọnị ọ nyị avaba ẹhẹ nị hụrẹ iruvo ẹtẹ ana nyịnẹ hu na ngụ ataba ana nẹba hu keekere.
5Ọnị ọ rẹ nyị òkū nị, agụvị ka ọnị ọ mẹ̀ ẹ nị.
Ọnị ọ rẹ sị ụvọ anị mẹ eteesu nị.
6Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara.
Wâ yẹ ka ọnị ọ mẹ yị nị.
7-8 #
Ihib 3.7-11
#
Ihib 3.15; 4.7 #
Kụra 17.1-7; Ịrị 20.2-13 Ọnị ọ vị Ohomorihi ayị nị, dị ẹyị vị aza anị ene ee sere nị.
Vị ị sị mẹẹ atẹmẹ anị ana aa tẹsị anị avọọ nị.
Wàa wụ́ ka ộ kà ịrẹyị nịnị ajịnị, asị ụ mẹ̀ akamawụ hị́ ọ nịnị.
Wâ yẹ ka avọọ ohiku awụ nịnị mẹ̀ me akamawụ hị́ ọ ịzị aā hị́ Imeriba ọnịrị Imasa ịnị ụnọmị nị.
9Ohiku awụ nịnị ệ vịdị si o re ịsa oni Ohomorihi mẹ, ama ẹnịnị ẹ zị zama a re ịzọọ.
10Ohomorihi ộ kụ́ ayị hi aza ẹnẹẹ mẹ ịrayị ẹbẹẹva,
Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.
11 #
Ịrị 14.20-23; Ọda 1.34-36; Ihib 4.3,5;
Ọda 12.9,10 Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ
ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.
Currently Selected:
Ahẹ Ụgama 95: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
