Ahẹ Ụgama 64
64
Ohomorihi, dọ mị tụ́ hụụnị ụvọ ọnịvị
(Ahẹ Idevidi ana yà ịnị ụvọ ọjahẹ)
1Ohomorihi, ịrẹyị o tù mị aanị nị, navọ wa wụ́ ịpẹ ọnị maa dá
Ọnịvị ẹ sị kwẹẹtẹ tù mị, navọ wa dọ mị tụ́.
2Aza edivi ẹ kụ́ wara gụ, ẹ yaa kụ́ ịrẹka ẹ màa gẹ eyi amị
Navọ asị ụ zẹẹ ka è re mi za.
3Aza ẹnẹẹ ệ nyị ịrarẹ ẹnẹmẹhị
ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.
4Ẹnịnị vi ene ee bè ọza ẹnẹ ẹ̀ yị nyị ịsị ọ mẹ ka ẹnị ẹ̀ si ireche wụ ọ
Èe re oze dị ẹ wụsẹ dà ireche nya a, dị angwa o yi hyakụ hi wa vụrụ-vụrụ.
5Aza edivi ẹnẹẹ vị ana aa sị ọtụụ kà ẹngụ ịrẹma ka ẹnị ẹ̀ẹ mẹ̀ ebira odivi,
Ẹ ka ịsa ẹnị aa mẹ vị ẹnị ẹnị sị tẹ, ẹ yị nyị ọza ene zụ re ẹnị.
6Ẹ̀ẹ sị eyi irikichi gẹ dị ẹ ka ẹnị ệ dà yara gẹ eyi kẹnẹ.
Wéē re ka aza ẹ zụ mẹ apẹ ẹnẹmẹhị.
7Ama o yi vee kù di Ohomorihi ò che wa ọpa, dị ẹ̀ hyẹdụ nya ẹtẹ.
8Ohomorihi vaa mẹ ka ịrẹyị ẹnị ẹ kà ọ̀ và ka wa na,
dị ahịka oni vú wa ẹtẹ nị
Aza ene èe re wa vee henyi ịrẹsụ, di ee nyị wa unyi.
9Ịjọnọọ avaba aza vee hí angwa Ohomorihi
Dị ẹ yaa kà a zụ̀ aza ịsa oni Ohomorihi mẹ
dị ẹ sị tụ́ ịnị ayị di e yee ro o.
10Aza ana aa mẹ̀ ebira ana vọrọ vaa jẹ agụvị ịsị Ẹnẹyịmavara maanị mẹ
dị ẹ sị ẹngụ ẹnịnị na tẹ̀ ịda anị
Avaba aza ana nyị ayị ọnya ẹ̀ẹ kụ́ Ohomorihi avọ.
Currently Selected:
Ahẹ Ụgama 64: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
