Ahẹ Ụgama 63
63
Ọza eni eyi Ohomorihi aa tụra
(Ahẹ Idevidi ọ̀ mẹ̀ yà ịnị ụnọmị Ijuda).
1Ohomorihi, ẹwa vị Ohomorihi amị nọ
Ẹwụ m maanị ee sì aanị nị
Mị ka tụ̀ ịnẹ tụ̀ ịnẹ mị nyayịnẹ ee sì wu nị
Wâ yẹ ka ọza ọ̀ọ yà ịzị ẹtẹ sị wụ dị enyi aa kụ̀ ọ nị, ka vị ọ nyayịnẹẹ sì enyi nị
Avọọ gẹdẹ-gẹdẹ ọ mẹ̀ kata mị ẹngụ ka me re wu nị.
2Me reè re wu ini irehi awụ
Mê re ụ mẹmẹ nyị ụkata ọnịrị ụbanyị.
3Ịrẹyị ọza ọnị ụ maanị sì pooro aanị, ộ hyakụ huna ụhwẹ ọnị ọza aa tụ́.
4Avọọ mị vaa tana ụvọ amịị tụ́ ẹba dị maa hị́ wụ
mị vaa sị ụbanyịị wụ, dị mị raa kụ́ wụ avọ pooro ịnị ẹhẹ amị.
5Mâ yẹ ka mị vaa rị ịsa ene zoza, dị ịnẹ há mị
dị maa jị ahẹ dị maa sịị kụ́ wụ avọ.
6Màa na sụ mị vaa tamayị awụ
ịrẹyị awụ ọ yị zụ hụụnị ayị amị pooro di eyi ọ̀ nị̄.
7Ẹwaa gụ mị ụvọ pooro nị
ịzị ụ sị mị tẹ tụ́ vị ọnị mị yà ịzọọ dị maa jị ahẹ.
8Ẹwụ mị taku nị
ụkata awụ ụ sị sị mị jẹẹ nị.
9Aza ene ee sì ka ẹnị ẹ̀ wụ̀ mị vi ene vee súu vaa ha, dị ẹtẹ mụnẹ wa.
10Ụhwọ a vaa sị wụ̀ wa éyi ịrẹkụ,
dị ahịka uye odivi ẹ rị oku ẹnịnị nị.
11Ama Ohomorihi vị ana vaa mẹ ka ohinọyị ọ̀ọ jẹ
aza anaā sịị ịrẹha Ohomorihi hị́ eku ka ẹnị vaa mẹ ịrẹyị dị ẹ rẹ mẹ̀ ẹ,
vị ana vaa kụ́ Ohomorihi avọ,
onireche nịnị vị oni Ohomorihi vaa za irenu kú oku.
Currently Selected:
Ahẹ Ụgama 63: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
