Ahẹ Ụgama 62
62
Aduwa ọza ana sị ayị tụra Ohomorihi
(Ahẹ Idevidi ana a jị yi Ijedutuni, ana yà ịnị ụvọ ọga ọjahẹ).
1Ohomorihi kẹnẹ mị tangwa jẹẹ ee zi nị
Mâ yẹ ka ọnị ịnya kẹnẹ ọ zụ dọ mị tụ́ nị.
2Ọnị kẹnẹ ee sere mị nị
Mị ka ọnị aa dọ mịị tụ́ nị, ọ yị zẹẹ ka à nyị ịsị ẹ kanyị mị
Mâ yẹ ka ẹ yị nyị ịsị e zụ zizi mị.
3Wee re nịnị ka ọza ọ yị nyị ụkata, ka vị ọ jẹẹ gẹ́gẹ̀gẹ́ nị
Sị ẹ vẹ dị ụ kị kwẹẹtẹ tù ẹngụ aza ẹnẹẹ nịnị?
4Wee sii sì ka wa gụ ọ hyẹdụ nịnị dị ụhị ọ̀ nyị ọ
Ụụ̄ sì ka weē cheeche nịnị
Waa mẹ apẹẹ mẹ̀ aduwa nịnị
ama ịnị ayị awụ nịnị dị waa tụ́ ozirenu hi ọza ọnọọ.
5Ohomorihi kẹnẹ mi che ayị za nị,
ọnị m maa tụra eyi nị.
6Ọnị ịnya kẹnẹ ee sere mị nị,
ọnị aa dọ mịị tụ́ dị ọ̀ yị zẹẹ ka à nyị ịsị ẹ kanyị mị nị
nyị ịsị e zụ zizi mị.
7Ohomorihi ọ zụ dọ mị tụ́ nị, ọnị ọ rẹ zụ mẹ ka asị ụhị nyị mị nị
Ọnị ee sere mi nị
mị ka Ohomorihi ọ rẹ yị zẹẹ ka à nyị ịsị ẹ kanyị mị nị.
8Ẹwụ nịnị anda ayị, waa sị ayịị tụra Ohomorihi nịnị pooro kẹnẹ
Avaba ịrẹyị oni wèe re ana kata wụ ẹngụ dị ụ kà a yọ
agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.
9Nyị ịsị ọza vị vụrụ-vụrụ
ahị ọza ọbanyị, ahị onosiye, ẹ yị nyị ana a ka â nyị ịsị ọnịvị
àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ
ẹnịnị ệ hẹrẹ hu asịsẹ.
10Ịsa ọnị waa mẹ ọza eyi ịngwẹngwẹẹ dọ avọọ
asị ụ sị ayị tụra a ka u vaa sị mẹ ẹhẹ
Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ,
ogu awụ ọ̀ọ daka aa rụrụụ hu avọọ, asị ụ sị ayị tụra a.
11Ohomorihi ọ sị ọ ka, ma raà wụ́ huna ụpẹ ọnya ka Ohomorihi kẹnẹ ọ nyị ụkata nị.
12 #
Ijov 34.11; Ijer 17.10; Imt 16.27; Iro 2.6; Ẹtẹ 2.23 Ọ kà vi oniī sì ịrẹyị ọza pooro nị, ọ mā vara
Ẹwụ Ananyị yị, ẹwaā sị ọgụ ụkọrọ ọzọzaa yọ nị.
Currently Selected:
Ahẹ Ụgama 62: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
