Ahẹ Ụgama 136
136
Ahẹ ana a sị kụ́ Ohomorihi avọ.
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 106.1; 107.1; 118.1; Ijer 33.11 Waa kụ́ Ẹnẹyịmavara avọ nịnị agụvị ka ịsa ene zoza ọọ̄ mẹ nị.
Vị óō sì ịrẹyị ọza pooro zịna-zịna nị.
2Waa kụ́ Ohomorihi ana mẹ avaba ori avọ nịnị.
Vị óō sì ịrẹyị ọza pooro zịna-zịna nị.
3Waa kụ́ ọ avọ nịnị ka ọnị ọ nyị avaba ọga nịnị nị.
Vi óō sì ịrẹyị ọza pooro zịna-zịna nị.
4Ọnị ịnya ọọ̄ mẹ ịtọmatọpa nị.
Vị óō sì ịrẹyị ọza pooro zịna-zịna nị.
5 #
Oyn 1.1
Ọnị ọ sị ịrẹyọyẹ anị mẹ ihinẹba nị.
Vi óō sì ịrẹyị ọza pooro zịna-zịna nị.
6 #
Oyn 1.2
Ẹhẹ vị ọnị ọ mẹ tụ́ ịrẹsụ enyi.
Vi óō sì ịrẹyị ọza pooro zịna-zịna nị.
7 #
Oyn 1.16
Ọnị ọ mẹ ataba ẹbanyị-ẹbanyị nị.
Vi óō sì ịrẹyị ọza pooro zịna-zịna nị.
8Ọ rẹ mẹ ọyị ka ọ̀ọ ha ụmẹ ọọdụ.
Vi óō sì ịrẹyị ọza pooro zịna-zịna nị.
9Dị ọ rẹ mẹ ụhwẹ ọnịrị ụzọmị ka ẹ̀ẹ zẹtẹ ịrahụ nị.
Vi óō sì ịrẹyị ọza pooro zịna-zịna nị
10 #
Kụra 12.29
Ọnị ọ wụ ezi ịpaapa Anijipiti nị.
Vi óō sì ịrẹyị ọza pooro zịna-zịna nị.
11 #
Kụra 12.51
Dị ọ kụ́ Anisirẹrị hụrẹ Ijipiti nị.
Vi óō sì ịrẹyị ọza pooro zịna-zịna nị.
12Ụkata-ụkata ọ vavọọ sị kụ́ wa jịnẹ nị.
Vi óō sì ịrẹyị ọza pooro zịna-zịna nị.
13 #
Kụra 14.21-29
Ộ há okuha ịkịịkẹ tụ́ oze ẹẹva.
Vi óō sì ịrẹyị ọza pooro zịna-zịna nị.
14Dị ọ kụ́ Anisirẹrị zị oze ịnị anị na para hu nị.
Vi óō sì ịrẹyị ọza pooro zịna-zịna nị.
15Dị ọ mẹ ka okuha ịkịịkẹ ọnọọ ọ kụ́ Ihwarawo ọnịrị isoja anị nị.
Vi óō sì ịrẹyị ọza pooro zịna-zịna nị.
16Waa kụ́ ọ avọ ka ọnị ọ kụ̀ aza anị zị oze ịnị ụnọmị na para hu nị.
Vi óō sì ịrẹyị ọza pooro zịna-zịna nị.
17Dị ọ za ohinọyị ọkọọka, dị ọ wụ̀ wa nị.
Vi óō sì ịrẹyị ọza pooro zịna-zịna nị.
18Mị ka ohinọyị ọnị eyi yẹ vị ọnị ọ wụ.
Vi óō sì ịrẹyị ọza pooro zịna-zịna nị.
19 #
Ịrị 21.21-30
Isihoni ohinọyị Anamọrị yà ịnị ohinọyị ẹnẹẹ.
Vi óō sì ịrẹyị ọza pooro zịna-zịna nị.
20 #
Ịrị 21.31-35
Ọgị ohinọyị Anịbasanị ọnị rẹ vị ọnya.
Vi óō sì ịrẹyị ọza pooro zịna-zịna nị.
21Di Ohomorihi sị ẹtẹ ohinọyị ẹnẹẹ yị aza ẹnẹsa nị.
Vi óō sì ịrẹyị ọza pooro zịna-zịna nị.
22Ezi ahụ anị Anisirẹrị ọ sị ẹtẹ ẹnẹẹ yị ka ọ̀ sị mẹ ẹẹnịnị nị.
Vi óō sì ịrẹyị ọza pooro zịna-zịna nị.
23Waa kụ́ ọ avọ ka ọnị ọ tamayị ayị ọnịvị mẹ̀ sị yị hu ẹtẹ nị.
Vi óō sì ịrẹyị ọza pooro zịna-zịna nị.
24Dị ọ dọ yị tụ́ hụụnị ụvọ ọnịvị ayị nị.
Vi óō sì ịrẹyị ọza pooro zịna-zịna nị
25Ọnị ọọ̄ sị ịsọyịrịị yị aza ọnịrị ịsụpa nị.
Vi óō sì ịrẹyị ọza pooro zịna-zịna nị.
26Waa kụ́ Ohomorihi ana ya ẹbẹẹba avọ.
Vi óō sì ịrẹyị ọza pooro zịna-zịna nị.
Currently Selected:
Ahẹ Ụgama 136: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
