Ahẹ Ụgama 137
137
Orere anị Anisirẹrị jị á mẹ̀ za wa ọrịhị
1Ụtọ okuha Ịbabịrọnị ị yaayịtẹ hi, di i nyima aa jị òrèrè i mè ree ro ịrẹyị nị.
2Dị ị kụ́ àgidibò ayị gẹ ọchị ẹnyị aanị ana aā hị́ areva ene hi ịzọọ nị.
3Aza ana za yị ọrịhị dị ẹ yaa sị ụyaa rị yị ka ya rẹẹ jị ahẹ ọnị ị sịị mẹ ịnẹ ohine yị ẹnị ịzọọ.
Ẹ ka ya jị ahẹ ọnya ịnị ahẹ ọnị ịị̄ jị avọọ yị ẹnị.
4Ị mẹmẹ nyẹngụ aa jị ahẹ ọnị ịị̄ jịị yị Ẹnẹyịmavara ịnị ẹtẹ ọzọga ịzẹnị?
5Ẹwụ Ijerusarẹmị, àa vị ka mê hí ayị awụ, asị mị kụkụ yara hú àgidibò amị pàá.
6Mị ka àa vị ka mê hí ayị Ijerusarẹmị dị mẹ̀ yị kụkụ ro ịrẹyị anị
ka ọnị ọọ̄ sị ịnẹ amịị hinee hu nị, asị mị kụkụ zụ jị ahẹ pooro.
7Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị.
Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.
8 #
Ẹtẹ 18.6
Ẹwụ Ịbabịrọnị, vị a maanị vee du wu ha saka-saka nị.
Ọza ene èe zụ si wu atọ ebira ọnị ụ mẹ yị aanị vị oni o vee zee yị.
9Mị ka aza ana àa zụ za ezi oweyi awụ dị ọ sẹ̀ wa kú ịrẹta vị ọnị o vee zee yị.
Currently Selected:
Ahẹ Ụgama 137: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
