Ahẹ Ụgama 12
12
Ohomorihi, navọ wa gụ yị ụvọ
(Ahẹ Idevidi ana yà ịnị ụvọ ọga ọjahẹ ana aā sí Iseminitiị jị)
1Ẹnẹyịmavara, navọ kwogwo wa gụ yị ụvọ
kụkụ nyị ọza ana aa mẹ ịzẹyịza ọ!
Ọnịzẹyịza ệ ta hụụ nị ẹhẹ.
2Ireche kẹnẹ aza kuku ee chee yị ẹngụ nị
Ẹnịnị vi ene ee vene aza ama dị ẹ yaa kụ́ hworo-hworo.
3Ẹnẹyịmavara aza ana vavọọ aa kụ́ hworo-hworo di e yee wo otoo zị aanị,
navọ wa za wa irenu kụ oku.
4Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ.
Ẹ ka ịsị èe zee ẹnị eyi kẹnẹ ẹnị vaa kà nị
Ẹ ka ẹ yị nyị ọza ana zụ za ẹnị irenu kụ oku.
5Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ.
Ọ kà ọnị vaa kwẹẹtẹ agụvị aza ene ee nowu ka à ba ẹnị owu
ọnịrị agụvị oniruwa nịnị
Ọ kà ọnị vaa dọ wa hụụnị ụvọ aza ana aa chamayịị yị wa.
6Ẹnẹyịmavara ọ̀ọ kà ka ọnị vaa mẹ ịrẹyị
ịrẹyị anị vị a naa gẹẹ.
Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị,
kụkụ nyị evene ịnị anị.
7-8Aza edivi vị ana gwẹtẹ avaba aha.
Ịsa odivi aza kụkụ sị ụbanyị yị nị
Ẹnẹyịmavara, aarịhịnị navọ wa dọ yị tụ́.
Asị ụ zẹẹ ka ya ngụ ịnị ụvọ ẹngụ aza ẹnẹẹ.
Currently Selected:
Ahẹ Ụgama 12: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
