Ahẹ Ụgama 11
11
Ohomorihi mị sị ayị tụra nị
(Ahẹ Idevidi ana yà ịnị ụvọ ọga ọjahẹ)
1Wáá yẹ ka Ẹnẹyịmavara mị sị ayị tụra nị?
Ụ́ mẹmẹ zụ kà ka mee zwee nọ ịnị ataba anka inomi avọọ?
2Wéē re aza edivi nịnị!
Ẹnịnị ẹ sị ọkịta ẹnịnị tụra,
ẹ raà sị ọpa gẹ ọ́za
dị ẹ na tẹ̀ aha ẹvagu ka ẹnị ee re
ọza ana aa mẹ̀ ịsa oni Ohomorihi sì
dị ẹnị è che e ịsa nị.
3Ahẹẹ, àa kụ́ ịsa du hi ẹtẹ
sị ọnịzẹyịza nịnị kụkụ zụ mẹ?
4Ẹnẹyịmavara yà ini Irehi Ọnịnị anị
ọ yà ịrẹsụ ode ohinọyị anị ẹbẹẹba.
Ee re avaba ịsa ọnị ọzọza aa mẹ.
5Ẹnẹyịmavara ee re ịsị ọnịzẹyịza aa mẹ.
Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.
6Ẹnẹyịmavara vị ana vaa zụ̀ orihi ịrịịra hi aza edivi ịrẹsụ
Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.
7Ẹnẹyịmavara vị ana mẹ ịzẹyịza
ô sì ka àa mẹ̀ ebira ene zoza
Aza ana aa mẹ̀ ebira ana vọrọ vị ana vaa ra ịda anị.
Currently Selected:
Ahẹ Ụgama 11: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
