Ahẹ Ụgama 13
13
Ohomorihi navọ wa gụ mị ụvọ
(Ahẹ Idevidi)
1Ẹnẹyịmavara, te
wẹ yị kụkụ tamayị amị vụrụ-vụrụụ?
U wee reè hi ayị amị paa aanị nị?
Wẹ yị kụkụ vaa kana eyii sì mị pooro?
2Ụ wáá ka ma maanị yii ro ịrẹyị pooro kẹnẹ eyinị-eyinị nị?
Aanị ka ọnịvị amị ẹ vị vaa nyị ẹbẹẹba amị pooro nị?
3Ẹwụ Ẹnẹyịmavara ana vị Ohomorihi amị.
Navọ wa kana eyi amị dị wa ba mi owu.
Navọ wa sị ụkata mị ka mi ve su.
4Wâ yẹ ka mèe su vị ọnịvị amị aa kà a ka ẹnị ẹ sị mị huna nị,
Ẹnịnị vị ana aa jẹ màa sị hyẹdụ.
5Ama mâ yẹ ka ẹwụ vi ene eē sì ịrẹyị ọza pooro.
Ọnọọ mị sị ayị tụra nị
Maa jẹ agụvị ka ẹwa vaa dọ mịị tụ́ nị.
6Mị vaa jị ahẹ gono Ẹnẹyịmavara
agụvị ka ịsa ozoza aa mẹẹ mị nị.
Currently Selected:
Ahẹ Ụgama 13: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
