Ahẹ Ụgama 112
112
Ẹhẹ ozoza ene vee tù aza ọyịza
1Waa kụ́ Ẹnẹyịmavara.
Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.
2Irima ezi ẹngụ aza ẹnẹẹ vị ana vaa nyị ụkata ịnị ẹtẹ ọnọọ.
Obooro aza ana mẹ̀ ebira ana vọrọ vi oni o vee zee yị.
3Ẹngụ aza ẹnẹẹ vị ana vaa nyị oguu gwẹtẹ ini eehi, oyi vee re osiye pooro.
4Ẹtẹ ọ̀ọ daka hozi, aza ana nyị ayị ọnya vee re ẹtẹ.
Ẹhẹ aza ana aā vayị ọza, dị ẹ nyị ayị ọnya ọyị vaa vara ịrahụ
5Aza ana aā mẹ ẹyịza dị ẹ̀ yị mā sị ụvọ kú oku,
dị ẹ̀ yị mā rẹ mẹ irikichi vị ana vaa dọ ẹyịza.
6Nyị ịsị e zụ zizi ẹngụ aza ẹnẹẹ.
Aza ana aā mẹ̀ ebira ana vọrọ vị ana a vaa tamayị anị pooro.
7Ọnị vị ana sị ayị tụra Ẹnẹyịmavara.
Ọ̀ọ daka wụ́ enube odivi, angwa o yi vee hi ọ.
8Ayị anị vị ana jẹ geri-geri angwa o yi hị́ ọ,
Ọnị o vee hú ọnịvị anị ẹtẹ ọdịrẹma nị.
9 #
2 Ịkọ 9.9
Ẹngụ aza ẹnẹẹ ệ vịdị raà mẹ vi ana vaa jẹẹ pooro.
Ọ vaa nyị ụkata dị aza aa sị ụbanyịị yọ.
10Aza edivi vavọọ vee re e, dị ayị anị pooro, di e du ẹngụ ẹnịnị ha nị.
Avaba ịsa ana aza edivi aa tụra eyi anị vị ana vaa tụ́ osusu.
Currently Selected:
Ahẹ Ụgama 112: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
