Ahẹ Ụgama 113
113
Ahẹ ana a sị gono Ohomorihi agụvị ịsa ozoza anị
1Waa kụ́ Ẹnẹyịmavara.
Ẹwụ nịnị ezi ahụ Ẹnẹyịmavara, waa kụ́ ọ avọ nịnị.
Mị ka waa kụ́ Ẹnẹyịmavara avọ nịnị.
2Waa kụ́ Ẹnẹyịmavara nịnị hụrẹ ọyaanị pooro zịna-zịna.
3Aza ana ra hi ịzị ọyịị̄ zịị̄ hụrẹ huu na ngụ ịzị ọ zị naa ngụ ẹtẹ ẹ̀ẹ kụ́ Ẹnẹyịmavara avọ.
4Ẹnẹyịmavara ọ vị ohinọyị tụra ịrẹsụ avaba ẹhẹ nị.
Ụbanyị anị ộ nẹba huna ihinẹba.
5Ẹ̀nị a zụ si juwe Ẹnẹyịmavara ana vị Ohomorihi ayị?
Ọnị ọ vị ohinọyị tụ́ ini ihinẹba nị.
6Ama di o nyị nyima nẹtẹ ka oni ò re ihinẹba ọnịrị ẹtẹ nị.
7Ộ tụ̀ onosiye ọnịrị oniruwa hụụnị ezi ọnịrị atịtọ.
8Dị ọ kụkụ kụ́ wa na yaayịtẹ beri aza ẹbanyị nị.
Dị ẹnịrị aza ẹbanyị ẹkụra ẹnịnị kụkụ aa mẹ ọpa nị.
9Ộ mẹ ka ọbọrị ọ̀ ma ozi, dị ọ kụkụ sị ụbanyị yọ tụ́ ini eehi anị nị
Waa kụ́ Ẹnẹyịmavara.
Currently Selected:
Ahẹ Ụgama 113: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
