Ahẹ Ụgama 111
111
Ahẹ ana a sị kụ́ Ohomorihi avọ
1Waa kụ́ Ẹnẹyịmavara.
Avaba ayị amị mị vaa sịị sị ụbanyịị yị Ẹnẹyịmavara ịzị ọnịzẹyịza ẹ̀ẹ gụ hi nị.
2Ụkọrọ ẹbanyị-ẹbanyị Ẹnẹyịmavara mẹ nị.
Aza ene sì ịrẹyị anị vị ene eē ro ịrẹyị ụkọrọ anị ẹnẹẹ.
3Avaba ịsa ọnị ọọ̄ mẹ vị ana aa mẹ ka àa sị ụbanyịị yọ ẹtẹẹtẹrẹ.
Ẹ yị nyị ụmẹ ọnị a sii vene ọza pooro zịna-zịna.
4Ẹnẹyịmavara vị ana aā vayị ọza.
Ộ mẹ ka aza ẹ̀ẹ tamayị ụkọrọ ẹbanyị-ẹbanyị ana aa mẹ.
5Aza ene hí angwa anị vị ọnị ọọ̄ sị ịsọyịrị yị.
O mē hi ayị ịrẹyị ọnị ọ kà tịtẹ ka ọnị vaa mẹ.
6Ộ sị ẹtẹ aza ẹnẹsa dị ọ sị yị aza anị nị.
Ọnọọ vị ọnị ọ sị sị zụ̀ wa ka ọnị ộ nyị ụkata.
7Ịzẹyịza ọọ̄ mẹ nị, ọ mā mẹ irikichi. Avaba ọda ọnị ọ mẹ ọ rụra sị ayị tụra.
8Ọda ọnị ọ mẹ ọ mā sā pooro zịna-zịna.
Ịzẹyịza ọ sị mẹ ọda anị nị, ọ yị mẹ irikichi tụ́ ọ.
9Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna,
nyị ẹngụ Ohomorihi, dị ọ rẹ nyị ụkata nị.
10 #
Ijov 28.28; Ụhị 1.7; 9.10 Ọza ọ̀ọ nyị angwahi Ohomorihi, o si nyima aa yẹ ịrẹyị.
Avaba aza ana a saasa ọda anị vi ana nyayịnẹ ẹ yẹ ịrẹyị
Ohomorihi a vọrọ ka àa kụ́ avọ pooro zịna-zịna nị.
Currently Selected:
Ahẹ Ụgama 111: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
