Ijoovu 8

Ịpaapa ọnị Ibiridadi kà ịrẹyị yị Ijoovu

Ibiridadi kà

1Ibiridadi ana vị Anisuhi ô tu Ijoovu ohi ịrẹyị. 2Ọ họ̀ Ijoovu ka aanị ọ́ọ́ mẹ̀ vaa kụ́ ịrẹka pooro nị? 3Ohomorihi Ochẹtẹẹngụ ọ mā mẹ irikiti. 4Ịvị ọnị ezi anị mẹ̀ Ohomorihi aa sị ụya anị rị wa nị. 5Avọọ Ijoovu o ro ịnẹ dị pà ẹvagu hụụnị ụvọ Ohomorihi Ochẹtẹẹngụ yị wa. 6Òo nyima aa mẹ ịzẹyịza, Ohomorihi Ochẹtẹẹngụ vaa gụ ọ ụvọ dị ọ vaa avaba ịsị ẹ jị ọ ha aanị ịrẹma yọ. 7Ogu ọnị ọ vanaa nyị o vee hụụnị ịhị ana mẹ aanị nị.

8Ibiridadi kà a Ijoovu o ne họ̀ use ịrẹyị hụụnị ụvọ azọkụ, dị ọ kọsẹ ịrẹyọyẹ. 9Ẹhẹ ọza aa chee aanị anka oziizi avọọ. Ẹ yị nyị ịsị ị yẹ. 10Ịrẹyọyẹ anịyẹẹyẹ ẹnẹẹ vaa sị ẹtohweyi yọ.

11Ịzị enyi ya ịkẹ hụ tụ nị. 12Enyi ọ̀ọ wụ ịzị ịkẹ hi, ẹnị ẹ vịdị aa su tụ avị ana vọ nị. 13Avọọ ẹhẹ aza edivi ene hi ayị Ohomorihi mẹ vaa ya nị. Ẹnịnị vene vee vu. 14Ẹhẹ ẹnịnị vana gẹnẹ anka irehi arahị avọọ. 15Ogu ene sị eyi tụra ọ yị va dọ wa tụ.

16Ẹhẹ aza ọhịmị sị mẹ anka avị ana chị dị ọ yara ku avaba ụbazị dị ọyị vavẹ avọọ nị. 17Ọ rẹ sị mẹẹ anka avị ọnị ẹpa anị para biri-biri za ịrẹta ene re avọọ nị. 18Èe hu ọ, ẹ yị nyị ọza ana zụ yẹ ịzị aa tụ ọ hụrẹ. 19Ịrajẹ aza edivi ẹ yị nyị ọ ya, dị ọzẹnẹsa ọ dọ wa ịrẹsụ.

20Ohomorihi ọ mā va ịrẹma ọnịzẹyịza. Avọọ ọ mā rẹ gụ aza ọhịmị ụvọ nị. 21Ibiridadi ka Ohomorihi vaa mẹ ka Ijoovu oo nyii dị ọọ jẹ. 22Ohomorihi vaa mẹ̀ ụhị nyị ọnịvị anị, dị vu ẹnịrị ovwoovu ẹtẹ.

Currently Selected:

Ijoovu 8: EBTP

Highlight

Copy

Compare