Ijoovu 23

Ohi ọnị Ijoovu sị Erihwazị

Ịrẹyị ọnị Ijoovu kà

1Ijoovu ka: 2Ajịnị vị ọnị nyayịnẹ ee du ayị hi Ohomorihi agụvị ka aa chamayị yị ọnị. Ộ mẹ ka ọnị ọọ rị ụya. 3Àa yẹ ọnị ọ yẹ ịzị ọ ya dị ọnị o ne tu ọ. 4Dị ọnị ọ sị ịrẹyị anị tụ ọvịdị anị, dị ọnị ọ kụ irenu anị zụ ọ. 5Ijoovu ka ọnị ee si ka ọnị ọ yẹ ohi ọnị Ohomorihi vaa sị yị ọnị. 6Ohomorihi ẹ yị vaa hụvị avọọ wure ọnị. Eyiyee, ọ vee batọ dị ọ wụ irenu anị. 7Ka ọnị ẹ yị rị ịvị, ọ vaa hụrẹ ọnị ụvọ.

8Ama ọnị o si Ohomorihi ịrẹma ọnịrị ọvịdị anị, ọnị e yi re. 9Ọnị rẹ si ọ akaha eyi ẹnyị ọsa, ọnị e yi re e. Ama Ohomorihi vị anaā yị mẹ̀ ụkọrọ anị na. 10Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru. 11Ijoovu ka ọnị ẹ yị ha hụrẹ oze anị. Vị́ ọnị saasa a nị. 12Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

13Ama Ohomorihi ọ mā vara. Ẹnẹ zụ za a ka asị ọ mẹ ene zee eyi? 14Ọ vaa mẹ ịsị ọ ka ọnị aa mẹ yị ọnị ịnị ịsa ọrụrụ ọnị ọ mẹ eto anị. 15Avọọ angwa vanaa nyayịnẹ ee hi ọnị ọvịdị Ohomorihi. 16Ọ raa mẹ ka ayị o swe enyi hi ọnị ịnẹ. 17Ohomorihi ee chire ọnị angwa nị, ẹ yị etohozi ene ku ọnị ka asị ọnị re ẹtẹ.

Currently Selected:

Ijoovu 23: EBTP

Highlight

Copy

Compare