Ijoovu 10

Ijoovu aa yịị ka ịrẹyị naa

1Ijoovu kà ẹhẹ o si du ọnị eyi. Ọnị ẹ yị nẹngụ sị irenu anị kwooku. Ọnị aa ka a ịsị e du ọnị ayị. 2Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ? 3Sị ẹ vị ayohine anị ka oo du ọza ọnị ọ sị ụvọta anị mè? Ayị anị wéé vi ene hine ka aza edivi aa ka tụ ọvịdị nị? 4Ọnịrị ọza wéé vi ene kụkụ ee re ẹtẹ ọnyọọnya nị? 5Ẹnẹyịmavara, ẹhẹ awụ wéé weyi anka ọzarẹyịrẹsụ nị? 6Sị ẹ va kụ eyiha tu ọ di ee si ka oni o re ọnị mẹmẹ vaa mẹ̀ ebira odivi booro aanị? 7Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.

8Óó rẹ vaa sị ụvọ anị du ọza ọnị ọ mẹ nịị? 9Ijoovu ka Ẹnẹyịmavara ọ tamayị ka èzi ọ sị mẹ ọza nị. Asị ọ sị ọnị varẹma na tụ ịnị èzi ọnọọ. 10Ẹnẹyịmavara ô swe ịrẹẹ anị ịnị ịhị ozi ọnyị anị anka a mẹẹ sị angwẹ hụụnị ịrẹva ụnọ avọọ nị. 11Ọnị ọ sị swụ ọzị ọnịrị ẹchụkụ vabẹ, dị ọ rẹ sị ụpa ku uye ọza ịrẹsụ nị. 12Ẹnẹyịmavara ọ sị ụhwẹ yị mị nị. Ọnị aa mẹ ayamva yị mị, di e sere mị nị. 13Avaba ịsa ọnị ọ vaa mẹ vị ọnị ọ sị tẹ yị ọnị ka asị mị yẹ. 14Ọnị ọ̀ọ mẹ̀ ebira odivi dị ọ za ọnị dị ọ sị ụya anị rị ọnị. 15Ijoovu ka ọnị ọ̀ọ rị ịvị ọnị ẹ yị ha. Ọnị ọ̀ọ rẹ va rị ịhị ọnị ẹ yị re aha sị eyi anị tẹ. Ụhị aa nyị ọnị agụvị akanya ene tu ọnị. 16Àa nyị ịsị mị mẹ ana ka ọnị ọ sị tụ ẹba, dị Ẹnẹyịmavara e be mị ka ọnị ọ pịva yị mị anka idu avọọ. 17Ẹ yị nyị ụmẹ ọnị Ẹnẹyịmavara e yi me re odivi anị ka. Ọ nyayịnẹ aa sị ọyịkụ-ọyịkụ sị ụya rị ọnị nị.

18Sị ẹ vị dị ọ zẹ kà a ọnya anị ọ ma ọnị daa? Ọnị ọ vana mẹ ọnya anị ịhị ọ gụ huni. 19Aa yanị ra sị ọnị ne ne dị ọnị e yi re ayodu ẹhẹ ọnọnị. 20Ụmẹ ọnị ọnị aa ra ẹhẹ aa chee aanị. A navọ ọnị dị ọnị ọ hụụnị ẹhẹ dị ẹngụ anị o hi ahị. 21Dị ọnị ọ vaa nọ ịzị ọza ẹ yị mā vavẹ, aha etohozi ruma-ruma. 22Ịzọọ o hozi huu agẹvịrahụ, dị ọ vị aha ẹvazi nị.

Currently Selected:

Ijoovu 10: EBTP

Highlight

Copy

Compare