ĀCƐ URÓM 11
11
Ɔwɔicō lɛ eyīnyinyi mafú lɛ Ísrɛ̄lu
1 #
Ufíl 3.5
Anɔ́ɔ n da ɔ̄kā ka, Ɔwɔicō tá ācɛ ɔlɛ́ nū nɛɛ? Ó lɔwɛ ŋ́! Ami abɔ̄yī um, n wɛ ɔ̄cɛ kú Ísrɛ̄lu, ɔyɔ́ɔ́yí kú Ébrahām, ɔ̄cɛ ipɔ́ɔma kú Ubénjamīn. 2Ɔwɔicō í tá ācɛ ɔlɛ́ nū nōó fu ŋmá ajaajɛ ā ŋ́. Aá gbɛlá kwu ɔdā nēé ka ipú ɔkpá kú ɛlɔ̄ɔwɔicō lɛyíkwu Ɛláyíja ɔ̄comɛ́ɛbɛ ā, ɛ́gɛ́nɛ̄ ó gbɔ̄ɔkɔ lɛ Ɔwɔicō lɔfú lɔfú lɛyíkwu ācɛ kú Ísrɛ̄lu, anɔ́ɔ ó kahíníī, 3#1 Aɔ́cɛ́ 19.10,14 “Óndú, uwá lɛ ācomɛ́ɛbɛ kú uwɔ kpó ŋmó ɛɛ́, é le ɛgogwɛ́ɛya kú uwɔ ca tāajɛ ɛɛ́. Ami ōfōōfū um wɛ ɔ̄comɛ́ɛbɛ nōo hile mɛ́ɛ̄ á, é kē ī dɔɔ̄kā ō je um ŋmó.” 4#1 Aɔ́cɛ́ 19.18Amáŋ ɔdí wɛ ohi nɛ̄ Ɔwɔicō tá ɔ̄ ā? “N lɛ ācɛ ulá igwáahāapa nēé lɛ okwúukwu kwajɛ lɛ Ubáalu jééjéē ɛ́ɛ́ ŋ́ mā tū lɛ iyī um.” 5Ɛ́gɔ́ɔmā nōó lɛ abālɔbányā dúú á. Ó lɛ ācɛ olígíí nēe hile nɛ̄ Ɔwɔicō fu ohígbū kóō ī ményinyi íbí. 6Ācɛ nōó ī fu ā, ó fu uwá ŋmá eyīnyinyi uwā nōó má ā nɛ̄ n, ó ŋmá lɛ úklɔ́ nēé yá ā ŋ́. Ohígbū ka ɔ́dāŋ́ ka Ɔwɔicō ī fu ācɛ ŋmá lɛ úklɔ́ nēé yá nɛɛ, ó lɛ ā ó ményinyi ācɛ ɔkwɔ̄ɔ̄kwɛ̄yi ŋ́.
7Ɔdí mɛ́ɛ́nɛ? Ācɛ kú Ísrɛ̄lu í má ɔdā nēé yɔ̄ ī dɔɔ̄kā ā ŋ́. Amáŋ ígwu olígíí nɛ̄ Ɔwɔicō fu ā le ɔ́ pīyɛ̄, amáŋ Ɔwɔicō lɛ ācɛ ohile ā ahɔ̄ du, cɛ́ɛ́ kéē pó igwú kú nū ŋ́. 8#Obla 29.4; Ayis 29.10Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō kahíníī,
“Ɔwɔicō lɛ odo mɛ́mla ɔtū kú uwā yá kéē híī jɛ́yí ɔdā dúúmā ŋ́.
O jāā í kwu ícɛ nyā é ī mɛ́ɛbɛ ŋ́ ɛ́ɛ́ nēé klla kōō bī ahɔ̄ kú uwā lɛ pó ɛlā ŋ́.”
9 #
Aíjē 69.22,23 Udéfīdi klla kē kahíníī,
“N gbɔ̄ɔkɔ lɛ Ɔwɔicō cɛ́ɛ́ kóō lɛ uwá kwú, kóō lɛ ukpa jē lɛ uwá eko kú ucɛ kú uwā,
kéē má gwōtū ukpa, kú Ɔwɔicō kóō lɛ italā yá uwā. 10Eyī kú uwā kóō kwú kpó pu, cɛ́ɛ́ kéē híī mɛ́ɛbɛ ŋ́, ká ōwē kóō lɛ uwá ohí pú wāajɛ dɔɔlɔ eko dóódu.” 11Anɔ́ɔ n dɔɔ̄kā ka, eko nɛ̄ ācɛ Ujíyu tígagá ā, é má gwōnū nɛɛ? Ó lɔwɛ ŋ́! Amáŋ ohígbū ka abɔ̄ é le íne bīya ā, aílɔ́wá ā gbɔɔ́ ō má ɔdā nɛ̄ onyatá wɛ ā, cɛ́ɛ́ kú ācɛ Ujíyu kéē kpópú aílɔ́wá ā. 12Íne nɛ̄ ācɛ Ujíyu bīya ā le yá kéē lɛ ɔhā nɛ̄hi hɛ́ce ācɛ kú ipú ɛcɛ, ogwōnū kú uwā kē le yá kéē lɛ ɔhā nɛ̄hi hɛ́ ce aílɔ́wá. Ó i lɛ ā ɔhā ā í nwuné nɛ̄hi eko nēé lɛ odúúdú áluka kú ācɛ Ujíyu ka tū ipú ācɛ nēé le nyatá ā!
Ɔwɔicō le aílɔ́wá nyatá
13Abālɔbányā n yɔ̄ ī kɛlā nēe bá ā lɛ aá nēe wɛ aílɔ́wá ā. N géē cɛ̄tra úklɔ́ kú um, ɔdā nōo yá ɛ́ɛ́ nɛ̄ n wɛ ɔ̄cocɛ̄hɔ̄ kú aílɔ́wá ā. 14Ɔ̄cɛ í jé ŋ́ n lɔfú yá ká ācɛ ɔlɛ́ um kéē kpópú aílɔ́wá ā glá, cɛ́ɛ́ ká Ɔwɔicō kóō lɛ ācɛ ōhī kú uwā hɛ́tá ohígbū úklɔ́ kú um. 15Ohígbū ka eko nɛ̄ Ɔwɔicō tá ācɛ Ujíyu ā, Ɔwɔicō le alɛɛcɛ ɔhá kú ɛcɛ kagwó mla iyīnū. Abɔ̄ ó i lɛ ā mɛ́ɛ̄ ā, eko nēé í mīyɛ uwá ā. Ó géē lɛbɛ̄ɛka oyēeyī lɛ ācɛ nōo gekwú āa. 16Ɔ́dāŋ́ ka ɔ̄cɛ dóódu kwú ámú igbō aflɛ́yí ā ú lɛ Ɔwɔicō, ayíka odúúdú igbō ā wɛ ákú nū dúú. Ɔ́dāŋ́ kéē kwú ɛgba kú ɔcí ú lɛ Ɔwɔicō, ayíka ābɔ̄ kú ɔcí ā kē wɛ ákú nū dúú.
17É lɛ ābɔ̄ ōhī kú ɔcí nēé hī ka ólīifu nēé hí ā gwó bónū, anɔ́ɔ é lɛ ābɔ̄ kú ólīifu kú ipácí hɛ́ kwu ɔ́, cɛ́ɛ́ kú ābɔ̄ ā kóō lū ŋmá enyi ō pi ŋmá ipú ɛ́nɛ́ ɔcí ā. Aá nēe wɛ aílɔ́wá ā lɛbɛ̄ɛka ɔcí kú ólīfu kú ipácí ā, abālɔbányā ā lɛ ukpɛ̄ kú ɔdā olɔhi nɛ̄hi kú ācɛ Ujíyu ā lɛ dúú ɛ́ɛ́. 18Anɔ́ɔ abɔ̄ nōó le ā, aá híī leyī gwō ācɛ nēé hɛ́ bónū bɛ̄ɛka ābɔ̄ ɔcí ā ŋ́. Ɔwɛ nyá nɛ̄ aá í gwō ā? Aá wɛ ābɔ̄ ōfōōfūnū nɛ̄ n, aá gē tá ɛgba ā abɔ̄ ŋ́, ɛgba ɔcí ā gē tá aá abɔ̄ á. 19Amáŋ ācɛ ōhī kú aá géē kahíníī, “Īī, amáŋ é gwó ābɔ̄ ā bónū kéē yá ɛga gā um.” 20Ɔ́ɔmā wɛ ɔkwɛ̄yi nɛ. É gwó uwā bónū ohígbū kéē cɛ̄ ŋ́, amáŋ awɔ ā kē háyi lɔfú ohígbū ka a cɛ̄ɛ̄lā Ɔwɔicō. Amáŋ aá híī bī ɔ́ɔmā gwō ŋ́, ikɔkɔ ɔ́ɔmā aá yúufi. 21Ɔ́dāŋ́ ka Ɔwɔicō í habɔ̄ ācɛ Ujíyu, nēe lɛbɛ̄ɛka ɔcí ō tū ā tá ŋ́, aá gbɛlá ka ó géē habɔ̄ aá tá nɛɛ? 22Aá má ɔ̄ ka abɔ̄ Ɔwɔicō gbonɛnɛ ā nōó klla ī kɛpɔ̄ olɔfú tū ācɛ ā. Ó gē kɛpɔ̄ olɔfú tū ācɛ o yíkpɛ̄yí olɔfú, amáŋ ó gbonɛnɛ lɛ aá, ɔ́dāŋ ka aá yɔ̄ ī gɔbū ō yá ɔdā nōo í yá kóō gbonɛnɛ lɛ aá, Amáŋ ɔ́dāŋ́ nōó lɛ ā ŋ́, ó géē hɛ́ aá bónū dúú. 23Anɔ́ɔ ɔ́dāŋ ka ācɛ Ujíyu ā le pīyabɔ̄ nēé kē cɛ̄ɛ̄lā Ɔwɔicō, ó géē je uwá kwúcē í kwu ɔcí ɛga nēé kwu gbɔbū ā. Ohígbū ka Ɔwɔicō lɔfú yá lɛ ā glá kpɔ́. 24Aá aílɔ́wá ā lɛbɛ̄ɛka ābɔ̄ ɔcí ólīfu kú ipácí nēé hɛ́ kwu ɔcí kú ólīfu nēé tū abɔ̄yīnū ā, nōo wɛ ɛyɛ́ɛ́yí gwō ɔdūwā tá ā. Ācɛ Ujíyu ā lɛbɛ̄ɛka ɔcí ólīfu nēé tū ā. Ó géē tɔ́ɔtɛ́ lɛ Ɔwɔicō fíyɛ́ kóō kwú ābɔ̄ nēé hɛ́ ā ú kwúcē í kwu ɔcí abɔ̄yī nū.
Ɔwɔicō ī ményinyi ācɛ dóódu
25Ó lɛ ɛlā ɔkwɛ̄yi ōtayínū éyi yɔ̄ nɛ̄ n dɔɔ̄kā ká aá lɛ ɔ́ jé, aóklóbīya um, ɔ́dāŋ ka alɔ lɛ ɛ̄nyā jé, alɔ í gáā ka ipú ɔtū kú alɔ ka, ɔkwɔ̄ɔ̄kwɛ̄yi alɔ jɔ́dā íbí ŋ́. Ɛlā ā yɔ̄ á, ācɛ kú Ísrɛ̄lu í gáā yɔ̄ ī tá ka aá í gáā cɛ̄ ŋ́ piyóó nóó n, amáŋ ó géē yɔ̄ lɛ ā jāā gbéeko nɛ̄ áluka kú aílɔ́wá nɛ̄ Ɔwɔicō miya ā gā ɛgiyí nū. 26#Ayis 59.20,21Ɔwɛ ɛ́gɛ́nyā nɛ̄ Ɔwɔicō géē hɛ́ odúúdú ācɛ Ísrɛ̄lu tá á. Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō lɛ ā,
“Ohɔ́nyɛtá ā géē wā ŋmá Usáyɔn,
ó géē nū odúúdú ucē kú ɔ́bíipú ŋmá ipú ayááyí kú Ujékɔ̄pu.”
27 #
Ayis 27.9
“Anɔ́ɔ Ɔwɔicō ka, n géē gbɛka nyā lɛ uwá
eko nɛ̄ n kwú íne nēé bīya ā í yá uwā ɛhi.”
28Ohígbū ka ācɛ Ujíyu tá Ɔ̄kōolɔhi ā, é kwú pīya aólɛlā kú Ɔwɔicō, amáŋ ɛ̄nyā kwú pīya ɔdā nōo tá aá nēe wɛ aílɔ́wá ā abɔ̄. Amáŋ ācɛ Ujíyu, ācɛ nɛ̄ Ɔwɔicō fu kpɔ́ ohígbū okónu nōó ce lɛ aádáádā uwā ka anúɔ í wɛ oklóbīya uwá ā. 29Ohígbū ka Ɔwɔicō í gē piyɔtū kú nū abɔ̄ lɛyíkwu ɔ̄cɛ nōó le fu klla le ɔhā hɛ́ ce ɔ́ ŋ́. 30Aá nēe wɛ aílɔ́wá ā, aá tɛtɛ yíkpɛ̄yí olɔfú tá Ɔwɔicō, amáŋ abālɔbányā ó le eyīnyinyi aá má ohígbū ikpɛ̄yí olɔfú nɛ̄ ācɛ Ujíyu yá ā. 31Ɔwɛ ékpó ɔ́ɔmā, ohígbū eyīnyinyi aá nɛ̄ Ɔwɔicō má ā abālɔbányā, ācɛ Ujíyu le ikpɛ̄yí olɔfú yá tá Ɔwɔicō, o yá ɛ́ɛ́ kú Ɔwɔicō kóō lɛ eyīnyinyi uwā má abālɔbányā dúú. 32Ɔwɔicō le yá kú odúúdú ācɛ kéē kwú pīya bɛ̄ɛka alagbá a ohígbū ikpɛ̄yí olɔfú nēé yá ā.
Alɔ cɛ̄tra Ɔwɔicō
33 #
Ayis 55.8
Ɛ́gɛ́nyā nɛ̄ eyīnyinyi kú Ɔwɔicō nwuné lɛ ā! Íjééyī mɛ́mla ɔdōojé kú Ɔwɔicō ī mɛ glá ŋ́! Ɔ̄cɛ dúú í jɛ́yí ɛ́gɛ́nɛ̄ ó ī miya ɛlā kú nū ŋ́! Ɔ̄nyɛ jɛ́yí ɔwɛ nōó ī yá odée kú nū ā?
34 #
Ayis 40.13
“Ɛ́gɛ́nɛ̄ é tá ɔkpá kú ɛlɔ̄ɔwɔicō lɛ ā, ɔnyɛ jé ɔtū kú Óndú ā,
“Ɔnyɛ jé ɔdā nɛ̄ Ɔwɔicō yɔ̄ ī gbɛlá?
Ɔ̄nyɛ jé odée jɛ̄ nōo nwū ɔ̄ ɛlā ā?” 35#Ujób 41.11“Ɔ̄nyɛ lɔfú yá Ɔwɔicō ɛhi gbɔbū,
cɛ́ɛ́ kú Ɔwɔicō kóō í cíla ɔ̄ ulé nū ā?”
36 #
1 Ukɔ́r 8.6
Ohígbū ka Ɔwɔicō yá odúúdú ɔda dóódu á, ɛjɛ̄ɛ̄jī ɔdā dóódu ŋmá ɛgiyí nū, é kéē yɔ̄ lɛ ɔ́. Ālɔ̄ cɛ̄tra Ɔwɔicō ŋmá eko tá eko. Aamí.
Currently Selected:
ĀCƐ URÓM 11: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma
